1 Samuel 31:3 - সান্তালী বাইবেল

³ Ona tayom Sạul upạrte lạṛhại do artetʼ sạrdi idiyena. Dhinkiạko hõ uniko ńamkedea arko hạnkedea.

1 Samuel 31:3 Referans Kwoze

2 Samuel 1:6

Uni koṛa doe menkeda, “Iń do unre Gilboa reakʼ burureń tahẽkana ar Sạul do acʼakʼ borlomre ṭenḍarkateye teṅgo akan tahẽkana. Ar un jokhecʼ rãt gạḍi ar aswariko doko khudạu tiyokʼ idiyedekan tahẽkana.

Amos 2:14

Okoe usạrako dạṛ daṛeakʼ onko do apnarte ohoko rukhiyạ daṛelena ar lạṛhại birko hõ akoakʼ jiwi do ohoko rukhiyạ daṛelea.

1 Rapajko 22:34

Menkhan mitʼṭen hoṛ do ạuṛige acʼakʼ sare aṛakʼketʼ khan ona do Israelren rajakʼ koṛamre bitʼena. Unre raj do acʼren rãt gạḍi cakʼlaoyicʼe metadea, “Rãt gạḍi ạcurkate lạṛhại tala khon oḍok idiyińme. Ente iń do ạḍiń ghạl akana.”

2 Samuel 1:4

Dạud do uniye kulikedea, “Cetʼ hoyakana? Ma lạiyạńme.” Uniye menkeda, “Hoṛko do lạṛhại ṭạnḍi khonko dạṛakada. Ar ḍher hoṛgeko gocʼena ar Sạul ar Jonathan tạkin hõkin gocʼ ocoyena.”

Genesis 49:23

Dhinkiạko do sarte uniko tuńe kana, ar muhinreko paṛao edekana.

2 Samuel 21:12

Unre Dạud do Jabes-Gileadren hoṛko ṭhen khon Sạul ar uniren hopon Jonathanakʼ jaṅkoe ạgukeda. Philisṭiko do Gilboare Sạulko gocʼkede khan unkin bana hoṛakʼ mạ̃ṛĩ do Bet-San nagraha reakʼ khạrạireko ṭaṅgaoleda. Jabes-Gileadren hoṛko do onḍe khon onakin mạ̃ṛĩko kombṛo ạguakatʼ tahẽkana.