1 Samuel 31:10 - সান্তালী বাইবেল

¹⁰ Ona tayom Sạulakʼ khanḍa bhanḍa hataokate Astarot reakʼ mundilreko dohokada ar uniyakʼ hoṛmo do Betsan nagraha reakʼ bhitreko akakada.

1 Samuel 31:10 Referans Kwoze

Bikʼcạrko 2:13

Ar nonkate onko do Probhu Isor bạgikate Bakʼal debota ar Asṭoret debiko sewawae kan tahẽkana.

Josuạ 17:11

Isakar ar Asren gusṭikoakʼ simạna tala reakʼ Betʼ-Sean, Iblean ar onako aḍepase reakʼ sanam atoko do Manase gusṭirenkoko emoco akan tahẽkana. Ona chaḍa Dorren, En-Dorren, Tanak ar Magidoren hoṛko sudhạ niạko nagraha ar onako aḍeparen sanam atoko Manase gusṭirenko emocoakan tahẽkana. Ar mucạtʼ secʼ reakʼ pea nagraha ar onako sãoteakʼ atoko do buru ṭoṭhare tahẽkana.

1 Samuel 21:9

Naekeye menkeda, “Ela buru nalare Philisṭikoren okoe Goliạtem gocʼlede uniyakʼ tarwaṛe menakʼa. Ona do kicricʼte bedhao akatʼ ehpod danaṅre aka doho menakʼa. Am do onam hatao daṛeakʼa. Ona chaḍa ar jãhãn tarwaṛe nonḍe do bạnukʼa.” Dạude menkeda, “Ona lekan tarwaṛe ar jãhãre menakʼa? Menakʼ khan ona hõ imạńme.”

1 Samuel 7:3

Onate Samuel do sanam Israelkoe metatʼkoa, “Apeakʼ goṭa ontorte arhõ Probhu Isor ṭhen ruạṛ hijukʼpe menetʼ khan ape tala khon eṭakʼ jạtren debotako ar Astaratakʼ muṭhạn ocokʼ giḍikakʼpe ar Probhu Isor secʼ apnarakʼ mon ṭarhaokate eken unige sewawaepe. Enḍekhan uni do Philisṭikoakʼ ti khone rukhiyạpea.”

Bikʼcạrko 1:27

Manase gusṭiren hoṛko do Bet-Sean, Tanak, Dor, Ibleam ar Megido nagraha ar onako beṛhaeteakʼ atokoren hoṛko bako laga ńir daṛeatʼkoa, ente onako jaegaren Kananiko doko goṭa akatʼ tahẽkana, disạm do bako bạgiyakʼa mente.

1 Samuel 31:12

Unre onḍenko dilgiriạ hoṛ do goṭa ńindạ taṛamate senkate Betsam reakʼ pạcri bhit khon Sạul ar uniren hoponkoakʼ mạ̃ṛĩko pheḍkeda ar Jabeste idikate onḍeko atar giḍikeda.