1 Samuel 31:1 - সান্তালী বাইবেল

¹ Philisṭiko do Israelko tulucʼko lạṛhạiyena ar Israelko do onko samaṅ khonko dạṛkeda. Onko modren ḍherkoge Gilboa burure Philisṭiko hoteteko gocʼ ocoyena.

1 Samuel 31:1 Referans Kwoze

1 Samuel 28:4

Philisṭiko do mitʼ sãoteko jarwa mitʼente Sunemreko ḍerayena. Ar Sạul hõ Israelren sanam lạṛhại phạdkoe jarwaketʼkote Gilboa burureye ḍerayena.

2 Samuel 1:21

E Gilboa reakʼ buruko, apere sisir ar jạṛi dakʼ do alo baṛe ńurokʼma, ape talare abal ot reakʼ anaj baṛgeko hõ alo baṛe tahenma; ente onḍege birbanṭa hoṛkoakʼ ḍhal do bemanotakʼ hoyakana, Sạulakʼ ḍhalre sunum ojokʼakʼ do ar baṅ hoyokʼa.

1 Samuel 29:1

Unre Philisṭiko do Ophekre akoren sanam lạṛhại phạdko jarwaketʼkoa. Ar Israelko do Jisrayelakʼ dakʼ jharna ṭhenko ḍerayena.

1 Samuel 28:15

Samuel do Sạule kulikedea, “Cedakʼ rakapʼ ạgukateyem ạṛisedeń kana?” Sạule menkeda, “Ạḍi muhinreń paṛao akana. Philisṭiko do iń upạrteko lạṛhạikana ar Isor hõe bạgi giḍi akadińạ. Uni do nạbiko hotete hõ baṅ, ar kukmũte hõ bae roṛ ruạṛạń kana. Ona iạte ńitokʼ cetʼ cekae jạruṛtińạ ona baḍae lạgitʼge amiń rakapʼ ạgu ocoakatʼmea.”

1 Samuel 28:1

Dạud Siklagre tahen jokhecʼ Philisṭiko do Israelko upạrte lạṛhại lạgitʼ akoren lạṛhại phạdkoko jarwaketʼkoa. Unre Akis do Dạude metadea, “Khạṭigem bujhạu daṛeakʼ kana, am ar amren hoṛko do lạṛhại phạdko sãote seledokʼte iń sãote calakʼ hoyokʼtapea.”

1 Samuel 12:25

Menkhan behokakʼpe kạmi idi enḍekhan ape ar aperen raj sanamgepe marao utạrokʼa.”

2 Samuel 1:6

Uni koṛa doe menkeda, “Iń do unre Gilboa reakʼ burureń tahẽkana ar Sạul do acʼakʼ borlomre ṭenḍarkateye teṅgo akan tahẽkana. Ar un jokhecʼ rãt gạḍi ar aswariko doko khudạu tiyokʼ idiyedekan tahẽkana.

2 Samuel 4:4

Sạulren hopon Jonathanren do mitʼṭen hopone tahẽkana. Uni do leḍhageye tahẽkana. Jisreyel khon tinre Sạul ar Jonathanakʼ gujukʼ khobor hecʼena unre uniyakʼ umer do mõṛẽ bochor tahẽkana. Ona khobor ańjomkate gidrạren dhại buḍhi do uni hoborkate usạrateye dạṛetʼkan tahẽkan jokhecʼ gidrại giḍiledete uniyakʼ jaṅga do leḍhayentaea. Ar uni gidrạwakʼ ńutum do Mephiboset tahẽkana.

1 Samuel 28:19

Probhu Isor do Philisṭikoakʼ tire am ar am sãoten Israelkoe soprotpea. Gapa am ar amren hoponko do iń tulucʼpe soṅgekʼa. Uni do Israelren lạṛhại phạdko hõ Philisṭikoakʼ tireye soprotkoa.”