1 Samuel 30:6 - সান্তালী বাইবেল

⁶ Unre Dạud do ạḍi muhinreye paṛaoena, ente hopon ar hoponerako iạte uniren hoṛkoakʼ mon do Dạud cetanre nonka haṛhatʼentakoa, onko do dhirite Dạud tińe lạgitʼko roṛ baṛayetʼ tahẽkana. Menkhan Dạud do acʼren Probhu Isor cetanre bhorsakate ontorre dile ńam ruạṛkeda.

1 Samuel 30:6 Referans Kwoze

Sereńko 56:11

iń do uni cetanregeń bhorsakʼ kana; ar bạń botorokʼa, manwa do cetʼe cekayiń baṅ?

Sereńko 62:5

E ińakʼ jiwi, am do thir hapekate Isorakʼ ńel horme, ente unige am do ase danama.

Sereńko 18:6

Iń do muhinre ińren Probhu Isoriń hohowadea ar goṛo ńam lạgitʼ uni ṭheniń rakʼkeda. Acʼakʼ tahen ṭhạ̃i khon uni do ińakʼ aṛaṅe ańjomketʼtińạ; ińakʼ rakʼjoṅ do uniyakʼ luturre seṭerena.

Sereńko 25:17

Ińakʼ ontor reakʼ jala do ḍher akantińạ; ińakʼ sanam kosṭo khon baṛe rukhiyạyińme.

Ibriko 13:6

Onate abo do dilkate bon men daṛeakʼa, Probhu Isor do ińren goṛoyicʼ, iń do bạń botorokʼa; manwa do cetʼko cekayińạ?

Romiko lạgitʼ Pạul Apostolakʼ ciṭhi 4:18

Abraham do baba hoyokʼ reakʼ jãhãn asge baṅ tahẽkantaere hõ uni do Isorre askate pạtiạu akane tahẽkana. Isor do uniye metade tahẽkana, “Amren bõsko do sermaren ipil leka saṅgeko hoyokʼa.” Ar ona katha lekage Abraham do ạḍi utạr jạtkoren babageye hoylena.

Sereńko 116:10

Tinreń menleda, “Laṅgaṭreń paṛaolena,” unrehõ ińakʼ biswạs do tahẽkangea.

Romiko lạgitʼ Pạul Apostolakʼ ciṭhi 8:31

Enḍekhan noako babotre cetʼbon menkea? Isor abo tulucʼ menae khan enḍekhan jãhãeye hạ̃n daṛekebona?

Exodus 17:4

Noa katha ańjomkate Mose do Probhu Isor ṭhen rakʼketʼteye menkeda, “Iń do noko hoṛko iạte cetʼ iń cekaea? Ar thoṛa khange onko do dhiriteko tińińa.”

Sereńko 42:11

E ińakʼ jiwi, cedakʼ am dom be asokʼkana? Cedakʼ nunạkʼ dom cońcol akana? Isorre bhorsa dohoyme, ente uni do arhõń sarhaoea; uni do ińren babańcaoicʼ ar ińren Isor kanae.

Sereńko 27:14

Ape do Probhu Isor cetanre as dohojoṅpe; monre daṛe ar dil baṛe dohoytape ar Probhu Isorre as akae tahenpe.

2 Korinthiko 4:8

Ale do sanam secʼ khongele cipạ ocokʼkanre hõ bale mon duk akana; arle andmandao akanre hõ bale as chuṭạu akana;

1 Samuel 1:10

Hanna do mon reakʼ kosṭote Probhu Isor ṭhen rakʼate koejoṅe ehopʼena.

Numeri 14:10

Menkhan onko do Josuạ ar Kaleb dhirite tiń gocʼkin lạgitʼko mepenena. Unre ńapamokʼ tạmbu khon Probhu Isorakʼ ṭhonok do sanam Israel hoponko samaṅre sodorena.

2 Korinthiko 7:5

Makedoniạte seṭerkatere hõ hoṛmore jãhãn aosan bale ńamlakʼa; ale do joto secʼ khonge dukle ńametʼ tahẽkana; ar sanam secʼge gulmal ar ontorre botor tahẽkana.

Kạhtukko 18:10

Probhu Isor do kajak aotan gaṛ kanae; dhoromko onḍeko ńir sen khan rukhiyạko ńama.

Jirimiạ 16:19

E Probhu Isor, ińakʼ daṛe ar ińakʼ aotan gaṛ, ar gạr hilokʼre ińakʼ hirlạ! dhạrti reakʼ ses simạ khon eṭakʼ jạtren hoṛ do am ṭhen hecʼkateko mena, “Aleren hapṛamko do eṛe debotako ar ạuṛiyakʼren boṅga murtiko ạidạrian tahẽkana, ar onate onkoakʼ do jãhãn porhoge baṅ hoylentakoa.

Jobakʼ 13:15

Ńelpe, uni doe gocʼ giḍikạńre hõ enhõ uni cetanre asiń dohoya; ar khạṭige uni samaṅre coloniń sojhetińa.

2 Korinthiko 1:6

Ale okaṭakʼ dukle jometʼkan ona do apeakʼ jiwi raṛecʼ ar bańcaope lạgitʼgele onkayeda; ar oka jiwiraṛecʼle ńametʼkan ona do ape lạgitʼgele ńametʼkana. Ale leka tinre ona dukpe joma unre niạ jiwi raṛecʼ do ona duk sahao lạgitʼe goṛowapea.

Romiko lạgitʼ Pạul Apostolakʼ ciṭhi 4:20

Isorakʼ gokʼakʼre uniyakʼ monre tishõ jãhãn digdhạge baṅ hecʼ akawade tahẽkana, bickom pạtiạure arhõ keṭecʼe tahẽyente uni do Isore sarhaoede tahẽkana.

Mathae 27:22

Unre Pilạte metatʼkoa, “Enḍekhan Mạsiko metae Jisu doń cekaea?” Onkoko menkeda, “Kuruskae me.”

Mathae 21:9

Ar Jisu laha lahate calakʼkan ar pańjayedekan gadel hoṛko do ãṭ aṛaṅte hohoate memenko ehopʼena, “Hosanna, Dạudren Hopon! Bhorangeae Probhu Isor ńutumte hijukʼkạnicʼ do. Coṭ utạrre Hosanna!”

Jesaea 25:4

Am do nandankoren aotan gaṛ kanam, ar nacarkoakʼ kosṭokʼ okteren hõ aotan gaṛ kanam, birbão hoe khon rukhiyạ reakʼ jaega kanam ar khaṅgoṭ jaegare jharla jhạrli setoṅ khon aḍ ńam lạgitʼ umul kanam. Am do bidisiạkoakʼ kạumạuem thir akatʼtakoa. Rimil reakʼ umul cetʼleka loloye komaoetʼ onkage kurmutạhakoakʼ sereń hõm thir ocoakatʼtakoa.

Sereńko 62:1

Ińakʼ jiwi do eken Isorakʼ ńel horrege menaea, ente uni kangeae ińren rurukhạyicʼ do.

Sereńko 42:7

Onḍe amakʼ jharna reakʼ saḍe do athantarre hohokʼkana; ar amakʼ ḍheoko ar hud hudạukʼkan dakʼko do iń cetante ạtu paromokʼ kana.

Bikʼcạrko 18:25

Dan gusṭiren hoṛko menkeda, “Am do jãhãnakʼ kathage alom roṛa. Nonḍe nonkan etaṅ cạndiyan hoṛ menakʼkoa onko do amakʼ katha ańjomkateko hạn botecʼmea ar amakʼ gharońjren hoṛ doko gujukʼa.”

Genesis 32:7

Noa katha ańjomkate Jakob do monre botor caṛhaoadea are dhak dhakaoena. Uni do acʼ soṅgeten hoṛko, bhiḍi-meromko, ḍaṅgrako, gadhako ar ũṭko bar ṭhene begarketʼkoa.

Sereńko 42:5

E ińakʼ jiwi, cedakʼem as chuṭạukʼkana? Cedakʼ nunạkʼ dom cońcol akana? Isorre bhorsa akae tahenme, ente unige ińe bańcaoińạ; onate iń do arhõ uniń sarhaoea.

2 Samuel 17:8

Am dom baḍaegea, ạpum ar uniren hoṛko do lạṛhại bir kanako. Onko do hopon recʼakade raṅgao akan birren bana eṅga lekan kanako. Ona chaḍa amren ạpum do lạṛhạire ạḍi gạkhuṛ hoṛ kanae; uni do acʼren lạṛhại phạdko talare bae giticʼ aṅgakʼa.

2 Rapajko 4:27

Menkhan maejiu do Karmel burure Isorren hoṛ ṭhen seṭerkate uniyakʼ jaṅgareye giḍiyena. Gehosi do uni ocoge lạgitʼe hecʼen khan Isorren hoṛe menkeda, “Uni do alom ocogea. Uniyakʼ monre ạḍi duk menakʼtaea, menkhan Probhu Isor do iń ṭhen khon onae danaṅ akada, ar bae lại akawạdińa.”

1 Samuel 23:16

Unre Sạulren hopon Jonathan do Horesre Dạud ṭhen hecʼkate Isor cetanre bhorsakʼ reakʼe udgạukedea.

Sereńko 18:2

Probhu Isorge ińren usul buru, unige ińakʼ aotan gaṛ ar ińren babańcaoicʼ; ar ińren Isorge ińren usul buru, unirege iń do asrayiń hataoeda. Uni do ińren dhal kanae, rurukhiyạicʼ dereńge, ar ińakʼ asray gaṛge.

Sereńko 31:24

Ape okoe do Probhu Isor cetanrepe hirlạ akan ape do monre daṛe dohoype ar dil joṅpe.

Sereńko 71:4

E ińren Isor, bedhoromkoakʼ ti khon, bạṛicʼ ar haḍrap hoṛkoakʼ ti khon bańcaoińme baṛe.

Sereńko 71:5

E Probhu Isor, ińakʼ as do amrege ar juạn okte khon amge ińren bhorsa do.

Bikʼcạrko 20:22

Unre Israelko do senkate ạyupʼ hạbicʼ Probhu Isor ṭhen rakʼateko menkeda, “Ale do cetʼ aleren boeha Benjaminko upạrte arhõ lạṛhại lạgitʼle rakapʼ calakʼa?” Probhu Isor doe roṛ ruạṛatʼkoa, “Do calakʼpe.” Ar noa iạte Israelren lạṛhại phạdko do dil salakʼ pạhil din oka jaegareko lạṛhại len onḍege arhõ lạṛhại lạgitʼko sapṛaoena.

1 Samuel 28:15

Samuel do Sạule kulikedea, “Cedakʼ rakapʼ ạgukateyem ạṛisedeń kana?” Sạule menkeda, “Ạḍi muhinreń paṛao akana. Philisṭiko do iń upạrteko lạṛhạikana ar Isor hõe bạgi giḍi akadińạ. Uni do nạbiko hotete hõ baṅ, ar kukmũte hõ bae roṛ ruạṛạń kana. Ona iạte ńitokʼ cetʼ cekae jạruṛtińạ ona baḍae lạgitʼge amiń rakapʼ ạgu ocoakatʼmea.”

Sereńko 138:3

Iń do tinreń hohowatʼmea unre am dom roṛ ruạṛạdińa; ińakʼ ontor reakʼ daṛete am do dilanicʼem hoyocokedińa.