1 Samuel 30:24 - সান্তালী বাইবেল

²⁴ Apeakʼ niạko kathare okoehõ bako rạjikʼa. Okoe do lạṛhạiko senlen ar okoe do jinisko horhoyetʼ tahẽkan onko jotoge inạ mitʼ leka hạṭińko ńama.”

1 Samuel 30:24 Referans Kwoze

Josuạ 22:8

“Ape do ạḍi utạr mĩhũ-merom, sona, rupạ, pitạl, mẽṛhẽtʼ ar aema kicricʼ khạnḍwạkʼ ar dhonko hoyakantapea. Ńitokʼ ape do noako idiyte ruạṛ senokʼpe. Ar aperen bạiriko ṭhen khonpe luṭ akatʼ jinisko aperen boehako hõ hạṭińakope.”

Numeri 31:27

Ar luṭ ạguakʼ jotowakʼ dope bar hạṭińa ar mitʼ hạṭiń do palṭonko ar sarecʼ hạṭiń do somajren hoṛpe hạṭińakoa.

Sereńko 68:12

Onko maejiu doko meneda, “Lạṛhại phạdkoren raj doko dạṛjoṅ kana, onko doko dạṛjoṅ kana, ar oṛakʼre menakʼko maejiuko do luṭakʼ jinisko hạṭińjoṅ kana.

1 Samuel 25:13

Dạud do acʼren hoṛkoe metatʼkoa, “Ape mimitʼko ḍanḍare tarwaṛe toltape.” Onate onko do ḍanḍare tarwaṛeko tolkeda ar Dạud hõe onkakeda. Ar ona tayom Dạud do ponsae hoṛe soṅgewana ar barsae hoṛ do asbabko horhoe lạgitʼko tahẽyena.

1 Samuel 30:23

Dạude roṛ ruạṛkeda, “Baṅa, E ińren boehako, Probhu Isor okaṭakʼe emakawatʼ bon ona do alope nonkaea. Uni doe rukhiyạ akatʼbona ar aboren luluṭko aboakʼ tireye soprotketʼkoa.

1 Samuel 30:25

Enhilokʼ khon Dạud do Israelko lạgitʼ ona lekage niạme ṭhikkeda ar teheń hạbicʼ hõ ona do onkage menakʼa.

1 Samuel 22:2

Okoe do muhinre ar rinteko perecʼ akan tahẽkan ar okoe do duk-bhabnareko tahẽkan onko mitʼke mitʼ hoṛ do Dạud ṭhen senkateko jarwayena. Ar Dạud do onkoren subedare hoyena. Nonkate ponsae herel hopon do uni sãoteko mitʼena.