1 Samuel 30:22 - সান্তালী বাইবেল

²² Menkhan Dạud sãote okoe haḍrap hoṛko tahẽkan onkoko menkeda, “Okoe abo sãote bako senlen onko do ona rukhiyạ ạguakatʼakʼ khon do babo emakoa. Onko do eken akoren bạhu ar onkoren hopon ar hoponerakoko idikotakoma.”

1 Samuel 30:22 Referans Kwoze

Mathae 7:12

Hoṛko ṭhen khon cetʼleka beoharpe khojkan onkage ape hõ onko tulucʼ beoharpe. Ente noa kangea Moseyakʼ ạn-ạri ar nạbikoakʼ cecetʼakʼ reakʼ katha do.

Dosar Biboron 13:13

onḍenko Israelko modren thoṛa bạṛicʼ hoṛ do onḍenko hoṛko niạ menkate bạṛicʼ horteko or idiakatʼko, ‘dela bon, debotako bon sewawako ma,’ okoe do abo ṭhenko nãwãge.

1 Rapajko 21:13

Ar ona tayom barea dusṭami hoṛ do hecʼkate Nabat samaṅrekin duṛupʼente uni upạrte niạ gohakin emkeda, uni do Isor ar raj upạrte bemanotakʼ kathae roṛ akada. Ona tayom hoṛko do nagraha bahrete Nabatko or oḍok idikedete dhiriteko tiń gocʼkedea.

1 Rapajko 21:10

Ar uni samaṅ reakʼ duṛupʼakʼ ṭhạ̃ire do barea bạṛicʼ hoṛpe duṛupʼkinạ. Unkin do niạ mente uni upạrte gohakin emma, uni do Isor ar raj upạrte bemanotakʼ kathae roṛ akada mente. Ar ona tayom onḍe khonpe or oḍokea ar dhiritepe tiń gojeya.”

1 Samuel 25:25

Ińren mạlik do uni kharap hoṛakʼ, metakʼme Nabalakʼ katha jemon aloe sapʼ dohokakʼ. Ente uniyakʼ ńutum cetʼleka onkage uni do. Uniyakʼ ńutum reakʼ mane do, keṭecʼ hoṭokʼ, ar unire do onage menakʼa. Ińren mạlik acʼren hoṛkoe kolletʼko onko sãote iń amren kạ̃ṛmĩ do bạń ńapamlena.

1 Samuel 25:17

Ado ma hudisme am do ńitokʼ cetʼem cekaea, ente aleren kisạ̃ṛ ar uniren sanam hoṛko cetanre bạṛicʼakʼ do niṭ akana. Menkhan aboren kisạ̃ṛ do mitʼṭen bodmejaji hoṛ kanae, uni do okoeyakʼ kathage bae ańjoma.

1 Samuel 22:2

Okoe do muhinre ar rinteko perecʼ akan tahẽkan ar okoe do duk-bhabnareko tahẽkan onko mitʼke mitʼ hoṛ do Dạud ṭhen senkateko jarwayena. Ar Dạud do onkoren subedare hoyena. Nonkate ponsae herel hopon do uni sãoteko mitʼena.

Bikʼcạrko 19:22

Ado khạtirjomako tahẽkanre nagraharen kharap hoṛko do hecʼkate ona oṛakʼko gheraokeda. Onko do silpiń ḍhae ḍhae dal baṛakate haṛam hoṛko metadea, “Okoe hoṛ amakʼ oṛakʼteye hecʼakan uni do ale ṭhen oḍok ạguiyem. Ale do uni sãotele loṭghuṭiya.”

1 Samuel 30:21

Okoe barsae hoṛ Besor nalare laṅga iạte Dạud sãote bako calao daṛeatʼ tahẽkan, onko ṭhen Dạud doe ruạṛ hecʼena. Onko hoṛ do Dạud ar uni sãoten hoṛko daram ạguko lạgitʼko oḍok hecʼlena. Dạud ar uniren hoṛko do onko ṭhenko seṭeren khan Dạud do onkoakʼ khoj khobore hataokeda.

1 Samuel 30:23

Dạude roṛ ruạṛkeda, “Baṅa, E ińren boehako, Probhu Isor okaṭakʼe emakawatʼ bon ona do alope nonkaea. Uni doe rukhiyạ akatʼbona ar aboren luluṭko aboakʼ tireye soprotketʼkoa.