Biblia Todo Logo
Bib sou entènèt

- Piblisite -




1 Samuel 30:16 - সান্তালী বাইবেল

16 Uni do onko ṭhen Dạude idikedea. Unre onko do ṭạnḍire hanḍe nanḍeko pasnao akan, jojom arko ńũńũkan, ar bubulakʼ ńũkateko enecʼ sereń joṅkan tahẽkana, ente Philisṭikoakʼ disạm ar Jihudạkoakʼ ṭoṭha khon onko do ḍher jinisko luṭ ạguakatʼ tahẽkana.

Gade chapit la Kopi




1 Samuel 30:16
22 Referans Kwoze  

Ar tinre hoṛko mena, “Suluk hoyakana, botor reakʼ do cetʼge bạnukʼa,” Unre bhạrti hoṛmo akan maejiuko acka bedon rakapʼako leka onko hoṛ doko ḍahao maraokʼa. Ar oka lekate hõ bako rukhiyạ daṛeakʼa.


Menkhan ńelpe, ape do onḍe ḍaṅgra ar bheḍape guretʼkoa, jel ar darkha rasape ńũiyetʼte rạskạ arpe hulạsokʼ kana. Arpe meneda, “Dela, bon jom-ńũwanrege, ente gapa do bon gujukʼa.”


dusṭạmikoakʼ hulạs joṅ do thoṛa ghạṛi lạgitʼ kana. Ar bedhoromkoakʼ rạskạ do eken mitʼ ripitʼ lạgitʼ kana;


Absalom do acʼren hoṛko noae hukumatʼkoa, “Ńelpe, darkha rasa ńũkate tinre Amnon doe moṅgonokʼa unreń metape khan, ‘Amnon ńẽdepe,’ Unre ape do unipe gojeya. Ar alope botorokʼa. Ente ińgeń hukumape kana. Diljoṅpe ar daṛeanko hoyokʼpe.”


Ale do Negeb reakʼ Korethikoakʼ dạkhin nakha reakʼ, Jihudạ reakʼ thoṛa hĩs ar Kaleb reakʼ dạkhin ṭoṭhate luluṭle senlena ar Siklog do seṅgeltele jharkhar akada.”


Ar dosar hilokʼ hoṛko do ạḍi setakʼre beretʼkate jeredokʼ samaṅokʼakʼ ar sulukren samaṅokʼakʼ porobko porobena. Ar ona tayom do jojomko duṛupʼena ar enecʼ-khilḍukʼ lạgitʼko beretʼena.


“Ape do ạḍi utạr mĩhũ-merom, sona, rupạ, pitạl, mẽṛhẽtʼ ar aema kicricʼ khạnḍwạkʼ ar dhonko hoyakantapea. Ńitokʼ ape do noako idiyte ruạṛ senokʼpe. Ar aperen bạiriko ṭhen khonpe luṭ akatʼ jinisko aperen boehako hõ hạṭińakope.”


Dạude menkeda, “Onko luluṭko ṭhenem idi daṛeạńạ?” Uni doe roṛ ruạṛkeda, “Isor ńutumte kiriạwạńme bam gojeńa se ińren kisạ̃ṛ ṭhen bam jimạkạńạ. Enḍekhan iń do onko ṭheniń idimea.”


Lạṛhạire ńamakʼ jiniskote hoṛko cetʼlekako rạskạkʼ, onkage amakʼ gokʼakʼ lạgitʼ iń doń rạskạkʼ kana.


Am do onko jạtrenkom ḍherkoa ar onkoakʼ rạskạm maraṅtakoa; phosol ir jokhecʼ cetʼ leka hoṛko rạskạkʼ, luṭakʼ jinis hạṭiń oktere cetʼ leka rạskạ hecʼako, onkage onko do am samaṅreko rạskạkʼa,


Nobah ar Jogbeha reakʼ purub secʼreko tahẽkan hoṛkoakʼ horte senkate Gideon do ackage onko lạṛhại phạdko cetanre jhãpe emkeda. Unre onko do ạḍi nirdạndiko tahẽkana.


Lahate Amalekiạkoren thoṛa hoṛ do Seyirteko dạṛketʼte onḍeko girobasokʼ kan tahẽkana. Simeonrenko do onko hoṛkoko gocʼ giḍikatʼkote onḍe girobasokʼko ehopʼena. Ar teheń hạbicʼ hõ onko do onḍeko girobasokʼ kana.


Swiv nou:

Piblisite


Piblisite