1 Samuel 30:14 - সান্তালী বাইবেল

¹⁴ Ale do Negeb reakʼ Korethikoakʼ dạkhin nakha reakʼ, Jihudạ reakʼ thoṛa hĩs ar Kaleb reakʼ dạkhin ṭoṭhate luluṭle senlena ar Siklog do seṅgeltele jharkhar akada.”

1 Samuel 30:14 Referans Kwoze

Sephaniạ 2:5

E Kerithiren hoṛko, okoe do jalapuri aṛerepe tahenkan, hae ape do! E Philisṭikoakʼ Kanan, am upạrte Probhu Isorakʼ katha do nonka, “Am do nonkań jarkharmea, amre celege bako tahena.”

Jeheskel 25:16

Ona iạte iń Probhu Isorgeń menetʼkana, ‘Philisṭiko upạrte ińakʼ tiyiń tiyạrtińạ; ar Kerethikoń marao cabakoa ar jalapuri aṛeren sarecʼ hoṛko hõń maraokoa.

1 Rapajko 1:44

Ar raj do uni sãote Sadok naeke, Nathan, Jehoyadaren hopon Banae, Korethiạ ar Polethiạkoe kol akatʼkoa. Onko do rajakʼ duṛupʼakʼre uniko duṛupʼkedea,

1 Rapajko 1:38

Unre naeke Sadok, Nathan nạbi, Jehoyadaren hopon Banae, Korethiạ ar Polethiạko do senkate Dạud rajakʼ siṅghạsonre Solomonko duṛupʼkedete Gihonteko idikedea.

2 Samuel 8:18

Jehuyadaren hopon Benaya do Kerethi ar Pelethikoren mathakin tahẽkana, ar Dạudren hoponko do rajren sosolhako ar naekeko tahẽkana.

1 Samuel 30:16

Uni do onko ṭhen Dạude idikedea. Unre onko do ṭạnḍire hanḍe nanḍeko pasnao akan, jojom arko ńũńũkan, ar bubulakʼ ńũkateko enecʼ sereń joṅkan tahẽkana, ente Philisṭikoakʼ disạm ar Jihudạkoakʼ ṭoṭha khon onko do ḍher jinisko luṭ ạguakatʼ tahẽkana.

1 Samuel 30:1

Dạud do acʼren hoṛkoante tesar hilokʼ Siklagteye seṭerena. Menkhan inạko dinre Amalekiko do Negebre Philisṭikoakʼ ṭoṭhare ar Siklagreko luṭ akatʼ tahẽkana. Onko do Siklag ńẽtʼkate seṅgelteko ḍahao marao akatʼ tahẽkana ar onḍeko tahẽkan sanam maejiuko ar huḍiń lạṭu joto do bondikateko idiakatʼko tahẽkana. Menkhan gocʼ do okoe hõ bako gocʼakatʼko tahẽkana, eken ruạṛ calakʼ jokhecʼko soṅge toraletʼko tahẽkana.

Josuạ 15:13

Josuạ do Probhu Isore hukumletʼ lekage Jephunren hopon Kaleb do Jihudạ gusṭirenkoakʼ jaega talare Kiriạt-Arba, metakʼme Hebron nagrahae ematʼko tahẽkana. Arba do Anakikoren hapṛame tahẽkana.

Josuạ 14:13

Niạ katha ańjomkate Josuạ do Jephunren hopon Kalebe bhoradea ar sompotti lekate Hebron nagrahae emadea.

1 Bõsbudạ 18:17

Jehoyadaren hopon Bonae do Dạudren rurukhiyạicʼ ar Korethiạ ar Polethiạkoren sordare tahẽkana ar Dạudren hoponko do rajakʼ maraṅ maraṅ hudạreko bahal ocoakan tahẽkana.

Josuạ 21:12

Tobe Hebron beṛhaeteakʼ jaega ar atoko do laharege Jephun hopon Kalebakʼ sompotti lekate em hoylena.

1 Samuel 25:3

Uni hoṛakʼ ńutum do Nabal ar uniren bạhuttetʼakʼ ńutum do Abigael tahẽkana. Maejiu do budan ar ńelokʼte hõ napaegeye tahẽkana, menkhan uniren jãwãetetʼakʼ beohar do corcoṭaṅ ar bạṛicʼge tahẽkantaea. Uni do Kaleb bõsren hoṛe tahẽkana.

1 Samuel 30:13

Dạud do uni hoṛe kulikedea, “Am dom okaren hoṛ kana? Ar oka khonem hecʼakana?” Uni hoṛ doe menkeda, “Iń do mitʼṭen misri hoṛ kạnạń, Ar Amalekikoren mitʼṭen gutige. Teheń pe din khon iń doń ruạkʼ kana, onate ińren kisạ̃ṛ do ińe bạgi giḍiakadińạ.

1 Samuel 30:15

Dạude menkeda, “Onko luluṭko ṭhenem idi daṛeạńạ?” Uni doe roṛ ruạṛkeda, “Isor ńutumte kiriạwạńme bam gojeńa se ińren kisạ̃ṛ ṭhen bam jimạkạńạ. Enḍekhan iń do onko ṭheniń idimea.”