1 Samuel 30:1 - সান্তালী বাইবেল

^1-2 Dạud do acʼren hoṛkoante tesar hilokʼ Siklagteye seṭerena. Menkhan inạko dinre Amalekiko do Negebre Philisṭikoakʼ ṭoṭhare ar Siklagreko luṭ akatʼ tahẽkana. Onko do Siklag ńẽtʼkate seṅgelteko ḍahao marao akatʼ tahẽkana ar onḍeko tahẽkan sanam maejiuko ar huḍiń lạṭu joto do bondikateko idiakatʼko tahẽkana. Menkhan gocʼ do okoe hõ bako gocʼakatʼko tahẽkana, eken ruạṛ calakʼ jokhecʼko soṅge toraletʼko tahẽkana.

1 Samuel 30:1 Referans Kwoze

1 Samuel 29:11

Onate Dạud ar uniren hoṛko do Philisṭikoakʼ disạmte ruạṛ calakʼ lạgitʼ setakʼreko beretʼena, ar Philisṭiko do Jisreyelteko rakapʼ calaoena.

1 Samuel 15:7

Sạul do unre Hewila ṭoṭha khon Misor purub secʼ Sur hahaṅkar ṭoṭha hạbicʼ sanam Amalekikoe bhagaoketʼkoa.

1 Samuel 29:4

Niạ katha ańjomkate Philisṭi subedarko do Akis cetanre raṅgaoenteko menkeda, “Nui hoṛ do ruạṛkaeme. Okare jaegam emakawade onḍegeye ruạṛ calakʼma. Abo sãote lạṛhại do bae sen daṛeakʼa. Uni do lạṛhại senkate abo upạrteye teṅgokʼa. Uniren mạlike kusi ocoye khan aboren hoṛkoakʼ bohokʼtegeye kusi ocoyea.

Josuạ 11:6

Unre Probhu Isor do Josuại metadea, “Onko do alom botorakoa, ente gapa niạ okte bhitrite Israelko samaṅre onko sanamkoń marao cabakoa. Ar am do onkoren sadomkoakʼ jaṅga sirem ged takoa ar rãt-gạḍikom jeretʼ giḍikatakoa.”

2 Samuel 1:2

Ar tesar hilokʼ Sạulren lạṛhại phạdkoakʼ ḍera khon mitʼṭen hoṛ do Dạud ṭhene hecʼena. Uniyakʼ kicricʼ do oṛecʼ oṛecʼ ar bohokʼre do dhuṛi tahẽkantaea. Uni do Dạud ṭhen hecʼkate otre ombakʼkateye ḍobokʼadea.

Genesis 24:62

Unre Isahak do Negebreye tahẽkana. Ar niạko dinre uni do Ber-Lahai-roi ńutuman jaega ṭhene senakan tahẽkana.

1 Samuel 15:8

Amalekikoren Og raj do jiwetʼteye sapʼkedea ar eṭakʼ sanam hoṛko doe marao cabaketʼkoa.

1 Samuel 27:6

Unre Akis do Dạud Siklag nagrahae danadea. Ar un khon teheń hạbicʼ Siklag do Jihudạ rajakʼ tabere tahẽyena.

1 Samuel 30:14

Ale do Negeb reakʼ Korethikoakʼ dạkhin nakha reakʼ, Jihudạ reakʼ thoṛa hĩs ar Kaleb reakʼ dạkhin ṭoṭhate luluṭle senlena ar Siklog do seṅgeltele jharkhar akada.”

2 Samuel 1:1

Sạulakʼ gujukʼ tayom Dạud do Amelekikoe bhagaoketʼkote Siglokteye ruạṛ hecʼena ar onḍe bar dine tahẽyena.

2 Samuel 1:8

Uni doe kulikedińa, ‘am dom okoe kana?’ Unreń metadea iń do mitʼṭen, ‘Amaleki hoṛ kạnạń.’

2 Samuel 15:18

Ar Dạudren hoṛko do uni samaṅteko laha idiyena. Onko modre Kerethiko, Pelethiko ar Gatren turui sae hoṛko tahẽkana okoe do Gat khon raj sãoteko hecʼlen tahẽkan.

1 Bõsbudạ 12:21

Eṭakʼ hạhạn bạiriko upạrte noko do Dạudko goṛowade tahẽkana. Noko sanamkoge maraṅ daṛean birko tahẽkana ar Dạudren lạṛhại phạdkoren subedarko tahẽkana.

Jirimiạ 41:12

unre onko do akoren sanam hoṛko soṅgekate uni tulucʼ lạṛhại lạgitʼko oḍok senena. Ar Gibeon reakʼ maraṅ pukhri ṭhen uniko ńamkedea.

1 Samuel 29:10

Onate am ar amren mạlikren okoeko hoṛ am soṅgeteko hecʼakan ape do gapa setakʼre beretʼkate marsalokʼ são sãote oḍokʼ calakʼpe.”

1 Bõsbudạ 12:22

Nonkate dinke din hoṛko do Dạud goṛowae lạgitʼ hijukʼko ehopʼena. Ar sesre Isorren lạṛhại phạdko leka mitʼṭen maraṅ lạṛhại phạdko benao rakapʼena.