1 Samuel 3:19 - সান্তালী বাইবেল

¹⁹ Nonkage Samuel doe hara idiyena ar Probhu Isor do uni sãoteye tahẽyena ar nạbi lekate roṛakʼ oka kathage Probhu Isor do bae ạuṛiyakʼ ocoletʼtaea.

1 Samuel 3:19 Referans Kwoze

Genesis 39:2

Probhu Isor do Joseph sãoteye tahẽkante joto lekan kạmireye jo baha ocoyede tahẽkana. Onate uni do Misriạ kisạ̃ṛakʼ oṛakʼreye doho ocoyena.

1 Samuel 9:6

Menkhan uni guti doe menkeda, “Ńelme, niạ nagrahare Isorren mitʼṭen hoṛe tahena. Uni do sanamkoko manotea ar uni okae men ona do sạri sạrige hoyokʼa. Dela, alaṅ hõ uni ṭhen laṅ calakʼa. Hoedaṛeakʼa uni doe lại daṛeakʼa oka horte calakʼ hoyokʼ talaṅa mente.

1 Rapajko 8:56

“Bhạgangeae Probhu Isor do, one okoe acʼakʼ gokʼakʼ lekate acʼren Israel hoṛkoe jirạu ocoakatʼko. Uniren guti Mose hotete okako bhạlại reakʼe gokʼletʼ ona reakʼ mitʼṭecʼ katha hõ uni do bae ạuṛiyakʼ ocoakada.

Luk 2:52

Ar Jisu do akelte, umerte ar Isor ar manwakoakʼ dulạṛteye hara idiyena.

2Timothi 4:22

Probhu Isor do am tulucʼ baṛeye tahenma. Isorakʼ daya ape tulucʼ tahẽakan tahenma.

1 Samuel 2:21

Probhu Isor do Hanna sạrigeye dayawadea. Onate Hanna doe bhạrti hoṛmoyena ar uniren do jotote pea hopon ar barea kuṛikin hoyentaea. Ar huḍiń Samuel do Probhu Isor ṭhen tahẽkate hara idikʼe ehopʼena.

2 Korinthiko 13:11

E boehako, jotowakʼko sudhrạupe ar sạbitokʼpe. Ińakʼ katha luturakʼpe, ar mitʼ monokʼpe, ar sulukte tahenpe. Enḍekhan dulạṛren ar sulukren Isor do ape tulucʼe tahena.

Luk 2:40

Ar bale Jisu doe hara idiyena are daṛe idiyena akelte perejokʼ tulucʼ. Ar uni cetanre do Isorakʼ daya tahẽkana.

2 Korinthiko 13:14

Aboren Probhu Jisu Mạsiyakʼ daya ar Isorakʼ dulạṛ ar sonot Jiu reakʼ helmel ape jotoko tulucʼ baṛe tahenma.

Luk 1:80

Ar Johan doe hara idiyente Jiureye daṛe idiyena. Ar Israelko samaṅre ạuriye bahalokʼ hạbicʼ uni do hahaṅkarregeye tahẽyena.

Jesaea 43:2

Dakʼ talatem sen paromokʼre hõ iń do am são sãoteń tahena. Ar gaḍako secʼtem calakʼre hõ onako do bako ḍubạmea; ar seṅgel talatem parom calakʼre hõ, am do bam lokʼa; seṅgel lepʼ do bae jharkao daṛeama;

1 Samuel 18:14

Probhu Isor do uni sãoteye tahẽkante jotowakʼrege bud salakʼ kạmikateye jo bahakʼkan tahẽkana.

Mathae 1:23

“Mitʼṭen kũạri kuṛi doe bhạrti hoṛmokʼa, ar uniren do mitʼṭen koṛa gidrại hoyokʼtaea; ar uniyakʼ ńutum do Immanuel dohokʼtaea.” Ona reakʼ mane do, Abon tulucʼ Isor.

Jesaea 44:26

Menkhan iń do ińren gutikoakʼ kathań jo baha ocoya ar ińren goḍetkoakʼ kathań purạua. Iń do Jerusalem reaṅ doń mena, ‘onḍe do hoṛko girobasokʼa,’ ar Jihudạ nagrahako reaṅ doń mena, ‘onako do arhõ teṅgo ruạṛokʼa.’ Ar disạm reakʼ maraokʼ akanakʼko do arhõń teṅgo ruạṛa.

Genesis 21:22

Ona oktere Abimelek ar acʼren maraṅ senapoti Pikol do Abraham ṭhen hecʼkatekin menkeda, “Am jãhãnakʼgem kạmiyetʼ amakʼ joto kạmirege Isor do am sãote menaea.

Luk 1:28

Serma goḍet do Mạriạm ṭhen hecʼkate joharadeteye metadea, “Probhu Isor do am soṅgere menaea are bhor akatʼmea.”

Bikʼcạrko 13:24

Tayomte maejiuren do mitʼṭen koṛa hopone hoyena ar uniyakʼ ńutum do Samsone dohoketʼtaea. Samson doe hara idiyena ar Isor do uniye bhoradea.

Genesis 28:15

Iń do am sãotege minạńa; ar jãhãtegem calakʼ iń do amiń rukhiyạmea. Noa disạmtege arhõń ruạṛ ạgumea. Ar okań galmarao akatʼme ona ạuriń purạu hạbicʼ iń do bạń bạgi giḍimea.”

1 Samuel 12:2

Ńelpe, ńitokʼ do ape ạyurpe lạgitʼ aperen do mitʼṭen raj menaea. Iń doń haṛamena, ariń pạnḍu caba akana, ar ińren hoponkin hõ ape samaṅrege menakʼkinạ. Iń do juạn umer khon teheń hạbicʼ apeń ạyur ạguakatʼpea.

1 Samuel 16:18

Uniren kạmiyạko modre mitʼ hoṛe menkeda, “Iń do Bethlehemre Jisạiren mitʼṭen hoponiń ńelakadea. Uni do ạḍi bhage peṛesaṅe banam daṛeakʼa. Uni do mitʼṭen dilan bir hõ kanae. Ar ạḍi napae kathae roṛa ar ńelokʼte hõe napaegea, ar Probhu Isor do uni sãote menaea.”

Genesis 39:3

Ar uniren kisạ̃ṛ doe ńelkeda Probhu Isor do Joseph sãore menaete uniyakʼ joto lekan kạmireye jo baha ocoyedekana.

Dosar Biboron 18:22

Jãhãe nạbi Probhu Isor ńutumte jãhãn kathae roṛ ar ona do eṛeteakʼ hoyokʼ khan se onka baṅ hoylen khan, enḍekhan bujhạu hoyokʼa ona katha Probhu Isor do bae roṛ akada. Menkhan uni nạbige dilkateye roṛ akada. Uni do alope botoraea.

Josuạ 21:45

Probhu Isor do Israelko bhạlạiko reakʼ okae gokʼatʼko tahẽkan ona reakʼ mitʼṭecʼ hõ sarecʼ do baṅ tahẽlena, uni do jotogeye purạukeda.

1 Samuel 2:26

Ar huḍiń koṛa Samuel do sẽṛã idikʼtegeye tahẽyena ar Probhu Isor hõ manwako ṭhen khon dulạṛ ńame ehopʼena.

1 Samuel 10:7

Niạko cinhạ hoylenre am do okaṭakʼ cekae lektam onagem onkaea; Isor do am sãoteye tahena.

1 Samuel 18:5

Ar Sạul do Dạud jãhãtegeye kolkaekan tahẽkan onḍegeye calakʼkan tahẽkana ar bud salakʼe kạmi purạuetʼ tahẽkana. Ona iạte Dạud do lạṛhạiko cetanreye dohokedea. Onate sanam hoṛ do unireko kusiyena ar onko sãote Sạulren kạmiyạko hõ.

1 Samuel 18:12

Sạul do Dạud botoraeye ehopʼena, ente Probhu Isor do Dạud sãoteye tahẽkana menkhan Sạul khon doe sahaṛ akan tahẽkana.

2 Rapajko 10:10

Baḍae dohokakʼpe, Ahabren bõsko upạrte Probhu Isore roṛakatʼ mitʼṭecʼ katha hõ baṅ ạuṛiyagokʼa. Probhu Isor do acʼren guti Eliạ hotete oka hoyokʼ reakʼ kathae menletʼ onae onka akada.”

2 Rapajko 15:12

Probhu Isor do Jihu okae metade tahẽkan, “Amakʼ bõsren pon piṛhi hạbicʼ Israelakʼ siṅghạsonreko duṛupʼa” ar ona do purạuena.

Jesaea 55:11

onkage ińakʼ moca khon oḍokokʼkan katha do hoyokʼgea, iń ṭhen ona do ạuṛiyakʼ baṅ ruạṛ hijukʼa. Menkhan okaṭakʼ iń moneakatʼ onageye kạmiya, ar okaṭakʼ lạgitʼ iń kolletʼ onageye jo baha ocoya.