1 Samuel 3:12 - সান্তালী বাইবেল

¹² Iń do Eliyakʼ bõs reaṅ okako kathań roṛakatʼ ona reakʼ pạhil khon mucạtʼ hạbicʼ Eli upạrte jotowakʼgeń purạua.

1 Samuel 3:12 Referans Kwoze

Luk 21:33

Ot ar serma do cabakʼa, menkhan ińakʼ kathako do jaejug hạbicʼ tahena.

Sakariạ 1:6

Menkhan iń do ińren gutiko, metakʼme nạbiko okań hukumatʼko tahẽkan, ińakʼ onako katha ar niạm lekate aperen hapṛamko do cetʼ sạjại bako ńamleda? Unre onko do mon ạcurkateko menleda, sanam daṛeanicʼ Probhu Isor do onkoakʼ ạri cạli ar hewa lekate onko lạgitʼ okae ṭhik doholetʼ onageye kạmi akada.’ ”

Josuạ 23:15

Menkhan aperen Probhu Isorakʼ emakʼ bondobos bape manao, ar senkate debotakope sewawako arpe ḍobokʼako, enḍekhan aperen Probhu Isor do okaṭakʼ bhạlạiype reakʼe gokʼ akatʼ ar cetʼleka onako reakʼ purạu akan onkage Probhu Isor do baṅ bhạlạiype reakʼ oka botore udukʼ akatʼpe ona joto do apereye paṛao ocoya ar okaṭakʼ mońj disạme emakawatʼpe sesre ona khone marao giḍikapea. Ar Probhu Isorakʼ edre do ape upạrte jolokʼtege tahena, ar okaṭakʼ mońj disạme emakawatʼpe ona khon ạḍi usạragepe marao utạrokʼa.”

Numeri 23:19

Isor do manwae baṅkana onate uni do eṛe kathae roṛa; uni do manwa khon hõ bae janam akana, onate moneye bodoltaea. Uni okae men ona do hoyokʼgea, ar acʼakʼ gokʼakʼ do jaogeye purạueda.

Jeheskel 21:5

Unre sanam hoṛko baḍae daṛeakʼa, iń Probhu Isorge khap khon tarwaṛeń oḍok akada; ar ona do baṅ doho ruạṛokʼa.”

Bikʼcạrko 4:24

Ar uni upạrte din din Israelko doko daṛe idiyena ar mucạtʼre uniko marao giḍikadea.

1 Samuel 4:11

Ar Isorakʼ goha sinduk do bạirikoko idikeda. Ar Eliren banar hopon Hopni ar Pinehas hõkin gocʼena.

1 Samuel 4:17

Okoe hoṛ sombate ạguketʼ uni doe menkeda, “Philisṭiko samaṅ khon Israelko doko dạṛkeda ar ạḍi utạr hoṛko gocʼ ocoakana. Amren banar hopon Hopni ar Pinehas hõkin gocʼ ocoyena ar Isorakʼ sinduk hõ bạirikoko idikeda.”

1 Samuel 4:21

Isorakʼ sinduk do bạirikoakʼ tire calaoen iạte ar uniren jãwãe ar hońhartetʼe gocʼen iạte uniye menkeda, “Israelkoakʼ ṭhonok do calaoena.” Ar ona iạte uni gidrạwakʼ ńutum do Ikabode dohoketʼtaea.

1 Samuel 4:22

Uni doe menkeda, “Israelkoakʼ ṭhonok do calaoena, ente Isorakʼ sinduk do bạirikoakʼ tire calaoena.”