1 Samuel 29:9 - সান্তালী বাইবেল

⁹ Akise roṛ ruạṛadea, “Ińiń baḍaea iń ṭhen do Isorren mitʼṭen goḍet lekagem bhagea; enhõ Philisṭikoren rapajko iń soṅgete lạṛhại lạgitʼem calakʼ do bako khojkana.

1 Samuel 29:9 Referans Kwoze

2 Samuel 19:27

Uni do ińren mạlik maharaj ṭhen ińakʼe durnam akada. Ińren mạlik maharaj do Isorren mitʼṭen goḍet leka kanae; onate am kusiyakʼ lekage baṛe ińre kạmime.

2 Samuel 14:20

Kathako sojhekakʼ lạgitʼge amren guti Joab do noae kạmi akada. Disạmre cetʼ hoyokʼkana baṅ hoyokʼkana ona do ińren kisạ̃ṛgeye baḍaea. Uniyakʼ akel do Isorren goḍet lekage.”

2 Samuel 14:17

“Ńitokʼ iń amren kạ̃ṛmĩ do noań hudiseda, ińren maharajakʼ katha jemon suluke imạń, ente boge-bạṛicʼ bicạrre ińren kisạ̃ṛ maharaj do Isorren mitʼṭen goḍet lekanicʼ kanae. Amren Probhu Isor do am sãotege baṛeye tahenma.”

Galathiko lạgitʼ Pạul Apostolakʼ ciṭhi 4:14

Ińakʼ ruạ iạtepe duklenre hõ bape hirkhạwạdiń tahẽkana, bickom Isorren goḍet se Jisu Mạsi cetʼlekape ataṅ akade onkage iń hõpe ataṅ sãohãledińa.

1 Samuel 29:4

Niạ katha ańjomkate Philisṭi subedarko do Akis cetanre raṅgaoenteko menkeda, “Nui hoṛ do ruạṛkaeme. Okare jaegam emakawade onḍegeye ruạṛ calakʼma. Abo sãote lạṛhại do bae sen daṛeakʼa. Uni do lạṛhại senkate abo upạrteye teṅgokʼa. Uniren mạlike kusi ocoye khan aboren hoṛkoakʼ bohokʼtegeye kusi ocoyea.