1 Samuel 29:4 - সান্তালী বাইবেল

⁴ Niạ katha ańjomkate Philisṭi subedarko do Akis cetanre raṅgaoenteko menkeda, “Nui hoṛ do ruạṛkaeme. Okare jaegam emakawade onḍegeye ruạṛ calakʼma. Abo sãote lạṛhại do bae sen daṛeakʼa. Uni do lạṛhại senkate abo upạrteye teṅgokʼa. Uniren mạlike kusi ocoye khan aboren hoṛkoakʼ bohokʼtegeye kusi ocoyea.

1 Samuel 29:4 Referans Kwoze

1 Samuel 14:21

Inạ lahare okoe Ibriko do Philisṭiko talareko tahẽkan onko ar okoe ḍerateko senlen unre onko hõ Sạul ar Jonathan sãoten Israelko sãoteko seletʼena.

1 Bõsbudạ 12:19

Dạud do tinre Philisṭiko sãote Sạul upạrte lạṛhại lạgitʼe calakʼkan tahẽkana unre Manase gusṭiren thoṛa hoṛ do akoakʼ dol bạgikate Dạud ṭhenko senlena. Mekhan Dạud ar uniren hoṛko do Philisṭirenko bako goṛowatʼkoa, ente Philisṭiren cakʼlaoko do ako talare galmarao tayom Dạudko bidạkedea. Onkoko menkeda, “Uni do ale bạgikate acʼren kisạ̃ṛ Sạul sãoteye mitʼlen khan ale do bohokʼ ńurokʼ talea.”

Luk 16:8

Ado uni gutiye bedhoromgere hõ bud salakʼe kạmiketʼte kisạ̃ṛ do uniye sarhaokedea. Noate bujhạukʼ kana, noa puriren hoponko do ako bidạlrenko talare marsalren hoponko khon hõ bạ̃ṛtiko budangea.

1 Samuel 27:6

Unre Akis do Dạud Siklag nagrahae danadea. Ar un khon teheń hạbicʼ Siklag do Jihudạ rajakʼ tabere tahẽyena.

1 Samuel 29:9

Akise roṛ ruạṛadea, “Ińiń baḍaea iń ṭhen do Isorren mitʼṭen goḍet lekagem bhagea; enhõ Philisṭikoren rapajko iń soṅgete lạṛhại lạgitʼem calakʼ do bako khojkana.

1 Samuel 30:1

Dạud do acʼren hoṛkoante tesar hilokʼ Siklagteye seṭerena. Menkhan inạko dinre Amalekiko do Negebre Philisṭikoakʼ ṭoṭhare ar Siklagreko luṭ akatʼ tahẽkana. Onko do Siklag ńẽtʼkate seṅgelteko ḍahao marao akatʼ tahẽkana ar onḍeko tahẽkan sanam maejiuko ar huḍiń lạṭu joto do bondikateko idiakatʼko tahẽkana. Menkhan gocʼ do okoe hõ bako gocʼakatʼko tahẽkana, eken ruạṛ calakʼ jokhecʼko soṅge toraletʼko tahẽkana.

Exodus 1:10

Onate lekhare jemon ar aloko ḍher idikʼ onate dela, onko sãote bud salakʼ bon calakʼma; ar baṅ khan lạṛhạire onko do aboren bạiriko sãoteko midokʼte abo upạrteko lạṛhạiya ar tayomte noa disạm bạgikateko oḍok calakʼa.”

1 Bõsbudạ 12:20

Dạud do Siglogteye ruạṛ calakʼ jokhecʼ Manase gusṭiren okoeko hoṛ do akoakʼ dol bạgikate uni ṭhenko senlen onko doko hoyokʼkana, Adon, Josabad, Jidiyel. Mikhayel, Josabad, Elihu ar Silthoy. Noko do Manase gusṭiren mimitʼ hajar lạṛhại phạdkoren subedarko tahẽkana.