1 Samuel 29:3 - সান্তালী বাইবেল

³ Onko ńelte Philisṭikoren subedar doko kuliyana, “Noko Israelko do nonḍe cedakʼ menakʼkoa?” Akise menkeda, “Nui do Israelren raj Sạulren golam Dạud kanae. Nui do ḍher din ar bochor khon iń ṭhen menaea. Uni do Sạule bhiṅgṛạu akade tayom khon teheń hạbicʼ unire jãhãn dosge bạń ńam akada.”

1 Samuel 29:3 Referans Kwoze

Daniel 6:5

Mucạtʼre onko hoṛko menkeda, “Daniel dusire paṛao ocoye lạgitʼ jãhãnakʼ cetʼge babon ńam daṛeakʼa, eken Isorakʼ ạn ạrite unire jãhãnakʼge bon ńam khan.”

1 Samuel 27:7

Dạud do Philisṭikoakʼ disạmre mitʼ bochor pon candoe tahẽkana.

1 Patras 3:16

Apeakʼ bibek do sapha dohoytape, jemon Mạsiren hoṛ lekate apeakʼ bhage colon iạte okoeko oktawape onko do lajaoreko paṛaokʼ.

Romiko lạgitʼ Pạul Apostolakʼ ciṭhi 12:17

Bạṛicʼ bodol bạṛicʼ okoe hõ alope halawakoa. Sanam hoṛkoakʼ mẽtʼre okaṭakʼ bhageakʼkan ona reaṅ moneyakʼpe.

Johan 19:6

Ado Jisuko ńelkede khan maraṅ naekeko ar kạmiyạko do hohowateko menkeda, “Kurus kaeme, uni do kurus kaeme.” Pilạt do hoṛkoe metatʼkoa, “Apege idiyete kurusepe, ente uniyakʼ jãhãn dosge bạń ńametʼtaea.”

1 Samuel 25:28

Amren kạ̃ṛmĩyakʼ behokakʼ do dayakate ikạkakʼme. Probhu Isor do khạṭige ińren mạlikakʼ bõse teṅgo ṭarhaoa, ente uni do Probhu Isorakʼgeye lạṛhại kana. Ar ńit hạbicʼte amre cetʼ bạṛicʼakʼge baṅ ńel akana ar baṅ ńamokʼa.

1 Samuel 27:1

Dạud do mone monteye hudiskeda, “Iń do Sạulakʼ tirege mitʼdin gujukʼ hoyokʼtińạ, onate Philisṭikoakʼ disạmtege dạṛ pharakokʼ bhage hoyokʼ tińạ. Enḍekhan Israel disạmre uni do ar bae sendra baṛayińạ, ar iń hõ uniyakʼ ti khon rukhiyạń ńama.”

1 Samuel 29:6

Unre Akis do Dạud hohoadeteye metadea, “Jiwetʼ Probhu Isor ńutumteń metamkana, ińiń baḍaea am dom soṛa hoṛkana. Noko lạṛhại phạdko talare oḍok bolokʼ do iń nońjorre boge kangea. Amem hecʼen hilokʼ khon teheń hạbicʼ amre jãhãn behokakʼ do bạń ńelakada, menkhan eṭakʼ rapajko amre kusi do bạnukʼkoa.

1 Bõsbudạ 12:19

Dạud do tinre Philisṭiko sãote Sạul upạrte lạṛhại lạgitʼe calakʼkan tahẽkana unre Manase gusṭiren thoṛa hoṛ do akoakʼ dol bạgikate Dạud ṭhenko senlena. Mekhan Dạud ar uniren hoṛko do Philisṭirenko bako goṛowatʼkoa, ente Philisṭiren cakʼlaoko do ako talare galmarao tayom Dạudko bidạkedea. Onkoko menkeda, “Uni do ale bạgikate acʼren kisạ̃ṛ Sạul sãoteye mitʼlen khan ale do bohokʼ ńurokʼ talea.”

1 Bõsbudạ 12:20

Dạud do Siglogteye ruạṛ calakʼ jokhecʼ Manase gusṭiren okoeko hoṛ do akoakʼ dol bạgikate uni ṭhenko senlen onko doko hoyokʼkana, Adon, Josabad, Jidiyel. Mikhayel, Josabad, Elihu ar Silthoy. Noko do Manase gusṭiren mimitʼ hajar lạṛhại phạdkoren subedarko tahẽkana.

Genesis 14:13

Mitʼṭen hoṛ doe dạṛ paskao hecʼente Ibri hoṛ Abram ona khobore lạiyadea. Abram do ona jokhecʼ Amori hoṛ Mamreyakʼ Elon bir ṭhere girobasokʼ kan tahẽkana. Mamre do Eskol ar Anerren boehae tahẽkana. Unkin do Abram sãote gatekʼ reakʼkin bondobos akatʼ tahẽkana.

1 Samuel 4:6

Ar Philisṭiko do noa aṛaṅ ańjomkateko kuliyana, “Ibrikoakʼ ḍerare cetʼ reakʼ sarhao aṛaṅ ańjomokʼkana?” Onkoko baḍaekeda, Probhu Isorakʼ goha sinduk do Israelkoakʼ ḍerate hecʼakana.

1 Samuel 14:11

Niạ menkate unkin do Philisṭikoren lạṛhại phạdko samaṅre senkate kin ńel ocoyena. Unre Philisṭiko doko menkeda, “Hạnkin ńelkinpe, danderrekin okolen unkin dokin oḍok hijukʼkana.”