1 Samuel 29:11 - সান্তালী বাইবেল

¹¹ Onate Dạud ar uniren hoṛko do Philisṭikoakʼ disạmte ruạṛ calakʼ lạgitʼ setakʼreko beretʼena, ar Philisṭiko do Jisreyelteko rakapʼ calaoena.

1 Samuel 29:11 Referans Kwoze

2 Samuel 4:4

Sạulren hopon Jonathanren do mitʼṭen hopone tahẽkana. Uni do leḍhageye tahẽkana. Jisreyel khon tinre Sạul ar Jonathanakʼ gujukʼ khobor hecʼena unre uniyakʼ umer do mõṛẽ bochor tahẽkana. Ona khobor ańjomkate gidrạren dhại buḍhi do uni hoborkate usạrateye dạṛetʼkan tahẽkan jokhecʼ gidrại giḍiledete uniyakʼ jaṅga do leḍhayentaea. Ar uni gidrạwakʼ ńutum do Mephiboset tahẽkana.

1 Samuel 29:1

Unre Philisṭiko do Ophekre akoren sanam lạṛhại phạdko jarwaketʼkoa. Ar Israelko do Jisrayelakʼ dakʼ jharna ṭhenko ḍerayena.

Josuạ 19:18

Onkoakʼ jaegare do paṛaoena, Jisreyel, Kesulot, Sunem,

1 Samuel 29:10

Onate am ar amren mạlikren okoeko hoṛ am soṅgeteko hecʼakan ape do gapa setakʼre beretʼkate marsalokʼ são sãote oḍokʼ calakʼpe.”

1 Samuel 30:1

Dạud do acʼren hoṛkoante tesar hilokʼ Siklagteye seṭerena. Menkhan inạko dinre Amalekiko do Negebre Philisṭikoakʼ ṭoṭhare ar Siklagreko luṭ akatʼ tahẽkana. Onko do Siklag ńẽtʼkate seṅgelteko ḍahao marao akatʼ tahẽkana ar onḍeko tahẽkan sanam maejiuko ar huḍiń lạṭu joto do bondikateko idiakatʼko tahẽkana. Menkhan gocʼ do okoe hõ bako gocʼakatʼko tahẽkana, eken ruạṛ calakʼ jokhecʼko soṅge toraletʼko tahẽkana.

1 Samuel 25:43

Noa lahare Dạud do Jisreyel atoren Ahinoame baplaledea. Ahinoam ar Abigael bana hoṛge uniren bạhukin hoyena.