1 Samuel 29:10 - সান্তালী বাইবেল

¹⁰ Onate am ar amren mạlikren okoeko hoṛ am soṅgeteko hecʼakan ape do gapa setakʼre beretʼkate marsalokʼ são sãote oḍokʼ calakʼpe.”

1 Samuel 29:10 Referans Kwoze

1 Bõsbudạ 12:19

Dạud do tinre Philisṭiko sãote Sạul upạrte lạṛhại lạgitʼe calakʼkan tahẽkana unre Manase gusṭiren thoṛa hoṛ do akoakʼ dol bạgikate Dạud ṭhenko senlena. Mekhan Dạud ar uniren hoṛko do Philisṭirenko bako goṛowatʼkoa, ente Philisṭiren cakʼlaoko do ako talare galmarao tayom Dạudko bidạkedea. Onkoko menkeda, “Uni do ale bạgikate acʼren kisạ̃ṛ Sạul sãoteye mitʼlen khan ale do bohokʼ ńurokʼ talea.”

2 Patras 2:9

Noako khon ńelokʼkana, okoe Probhu Isorko botoraekan onko do biḍạu tala khon bańcaoko doe baḍaegea.

1 Korinthiko 10:13

Manwa jionre okako biḍạu hoyokʼkan ona chaḍa eṭakʼ jãhãn biḍạu do ar baṅ paṛao akawatʼpea. Isor doe pạtiạrgete, sahao daṛeakʼ khon bạ̃ṛti do bae biḍạupea, bickom biḍạu são sãote ona khon oḍokokʼ reakʼ hõe horapea, jemonpe sahao daṛeakʼ.

1 Bõsbudạ 12:22

Nonkate dinke din hoṛko do Dạud goṛowae lạgitʼ hijukʼko ehopʼena. Ar sesre Isorren lạṛhại phạdko leka mitʼṭen maraṅ lạṛhại phạdko benao rakapʼena.

Genesis 22:14

Ar ona jaega reakʼ ńutum Yehowa-Yire (metakʼme “Probhu Isorakʼ jogaṛ”) dohokeda. Onate teheń hõ hoṛko mena, “Probhu Isorakʼ burure Probhu Isorgeye jogaṛa.”

1 Samuel 29:11

Onate Dạud ar uniren hoṛko do Philisṭikoakʼ disạmte ruạṛ calakʼ lạgitʼ setakʼreko beretʼena, ar Philisṭiko do Jisreyelteko rakapʼ calaoena.