1 Samuel 28:4 - সান্তালী বাইবেল

⁴ Philisṭiko do mitʼ sãoteko jarwa mitʼente Sunemreko ḍerayena. Ar Sạul hõ Israelren sanam lạṛhại phạdkoe jarwaketʼkote Gilboa burureye ḍerayena.

1 Samuel 28:4 Referans Kwoze

1 Samuel 31:1

Philisṭiko do Israelko tulucʼko lạṛhạiyena ar Israelko do onko samaṅ khonko dạṛkeda. Onko modren ḍherkoge Gilboa burure Philisṭiko hoteteko gocʼ ocoyena.

Josuạ 19:18

Onkoakʼ jaegare do paṛaoena, Jisreyel, Kesulot, Sunem,

2 Rapajko 4:8

Mitʼdin Elisae do Sunemteye senena. Ar onḍenicʼ mitʼṭen kisạ̃ṛ maejiu do uni jom ocoye lạgitʼ ạḍiye arojadea. Ar inạ tayom tinạkʼ dhao ona horteye calakʼkan tahẽkan unạkʼ dhaoge ona oṛakʼre jom lạgitʼe bolokʼkan tahẽkana.

2 Samuel 21:12

Unre Dạud do Jabes-Gileadren hoṛko ṭhen khon Sạul ar uniren hopon Jonathanakʼ jaṅkoe ạgukeda. Philisṭiko do Gilboare Sạulko gocʼkede khan unkin bana hoṛakʼ mạ̃ṛĩ do Bet-San nagraha reakʼ khạrạireko ṭaṅgaoleda. Jabes-Gileadren hoṛko do onḍe khon onakin mạ̃ṛĩko kombṛo ạguakatʼ tahẽkana.

2 Samuel 1:21

E Gilboa reakʼ buruko, apere sisir ar jạṛi dakʼ do alo baṛe ńurokʼma, ape talare abal ot reakʼ anaj baṛgeko hõ alo baṛe tahenma; ente onḍege birbanṭa hoṛkoakʼ ḍhal do bemanotakʼ hoyakana, Sạulakʼ ḍhalre sunum ojokʼakʼ do ar baṅ hoyokʼa.

2 Samuel 1:6

Uni koṛa doe menkeda, “Iń do unre Gilboa reakʼ burureń tahẽkana ar Sạul do acʼakʼ borlomre ṭenḍarkateye teṅgo akan tahẽkana. Ar un jokhecʼ rãt gạḍi ar aswariko doko khudạu tiyokʼ idiyedekan tahẽkana.

1 Samuel 28:5

Philisṭiren lạṛhại phạdko ńelte Sạul do botor caṛhaoadea ar dhak dhakaokʼe ehopʼena.

1 Rapajko 1:3

Onate onko do mitʼṭen mońj okocʼ kuṛi ńame lạgitʼ goṭa Israel disạmre sendrayeko ehopʼena. Tayomte onko do Sunemiạ Abisogko ńamkedea ar uni do raj ṭhenko ạgukedea.

1 Samuel 31:8

Dosar hilokʼ Philisṭiko do gocʼ hoṛkoakʼ jinisko luṭ idijoṅ lạgitʼko hecʼen khan Gilboa burure Sạul ar uniren pea hoponkoakʼ mạ̃ṛĩ giḍi akanko ńelkeda.