1 Samuel 28:23 - সান্তালী বাইবেল

²³ Menkhan Sạul do jom lạgitʼ bae rạmjạulenteye menkeda, “Baṅa, iń do bạń joma.” Menkhan uniren hoṛko hõ uni maejiu sãote jormoṭeko ehopʼena. Unre uni do onkoakʼ kathae ańjomkeda ar ot khon beretʼkate parkomreye duṛupʼena.

1 Samuel 28:23 Referans Kwoze

1 Rapajko 21:4

“Ińren ạpuń ar goṛomiń ṭhen khon ńamakʼ sompotti do bạń em daṛeama.” Ahab do Jisriyelren Nabatakʼ niạ katha iạte acʼakʼ mẽtʼãhãe kurkunḍucʼketʼtaea ar oṛakʼteye calaoena. Uni do aṭetʼre eṭakʼ secʼ samaṅkateye giticʼ hapeyena ar cetʼhõ bae jom-ńũleda.

2 Korinthiko 5:14

Mạsiyakʼ dulạṛge ale doe gobol akatʼlea, ente khạṭigele bujhạuakada je, sanamko lạgitʼ mitʼ hoṛe gocʼena, ar ona iạte sanamgeko gocʼena.

Aposkạmi 16:15

Ar noate uni ar acʼ gharońjren sanamkogeko bạptisena. Inạ tayom uni do noa menkateye neotaketʼlea, “Probhu Isorre biswạs akanpe hudisedeń khan dela ińakʼ oṛakʼre hijukʼte tahenpe.” Ar noa katha menkate acʼakʼ oṛakʼteye idiketʼlea.

Luk 24:29

Unre unkin do nehõradetekin metadea, “Ber hõe danaṅena, ar ạyubokʼkana. Am do ạliń tulucʼ tahenme.” Onate uni do unkin tulucʼ tahen lạgitʼ oṛakʼteye boloyena.

Luk 14:23

Onate kisạ̃ṛ do golame metadea, ‘am do nagraha bahre soṛokkote oḍok calakʼme ar hijukʼ lạgitʼ hoṛko jormoṭkom, jemon oṛakʼ do perejokʼtiń.

Kạhtukko 25:20

Okoeyakʼ mon bạṛicʼge uni ṭhen okoeye sereń uni do rabaṅ dinre kicricʼe totʼgiḍikakʼ se ghaore sirkạye duletʼkan hoṛ lekanae.

2 Rapajko 5:13

Namanren gutiko do unre uni ṭhen senkateko metadea, “E hujur, uni nạbi jodi jãhãn maraṅ kạmi lạgitʼe menkem enḍekhan cetʼ ona bam onkakea? Ar umkate saphakʼe metamkan onate cetʼ artetʼ onkae lek do baṅkan tama?”

2 Rapajko 4:8

Mitʼdin Elisae do Sunemteye senena. Ar onḍenicʼ mitʼṭen kisạ̃ṛ maejiu do uni jom ocoye lạgitʼ ạḍiye arojadea. Ar inạ tayom tinạkʼ dhao ona horteye calakʼkan tahẽkan unạkʼ dhaoge ona oṛakʼre jom lạgitʼe bolokʼkan tahẽkana.

1 Samuel 28:22

Ńitokʼ do dayakate amren kạ̃ṛmĩyakʼ mitʼṭecʼ katha ańjomme. Iń do am samaṅre thoṛa jomakʼ iń ạguiya. Ar onam jomle khan horte calakʼ reakʼ daṛem ńama.

Ester 1:6

Ona bagwan sajao lạgitʼ do ponḍ ar lil kicricʼ reakʼ orwalkoe beoharkeda. Onako do ponḍ ar beguni roṅakʼ mĩhĩ musnạ sutạm reakʼ baberte rupạ mạ̃kṛiko ar marbel dhiriko khunṭire tol ṭarhao akan tahẽkana. Marbel dhiriko, jhinuk ar aema lekan roṅ reakʼ eṭakʼ eṭakʼ damanakʼ dhiriko reakʼ aṭetʼ bạisạuatʼre sona ar rupạ reakʼ duṛupʼakʼko tahẽkana.

Jeheskel 23:41

Ona tayom unkin do mońj aṭetʼre duṛupʼkate ona samaṅre mitʼṭecʼ ṭebil ạgukate ona cetanre ińakʼ dhup ar sunumgekin dohokeda.