1 Samuel 28:16 - সান্তালী বাইবেল

¹⁶ Sạmuele menkeda, “Probhu Isorgeye bạgi giḍi akatʼme khan ar am upạrteye senakan khan enḍekhan am do cedakʼem kuliyediń kana?

1 Samuel 28:16 Referans Kwoze

Johan sodor 18:24

Nạbiko, Isorren hoṛko ar okoeko hoṛ do noa dhạrtireko gocʼ ocolen onkoakʼ mãyãm do noa Babelrege ńamakana.”

Johan sodor 18:20

Unre uni serma goḍet doe menkeda, “E serma, ona nagraha ḍahao maraoen iạte rạskạkʼme. E Isorren hoṛko, apostolko ar nạbiko hulạsokʼpe. Ape upạrte uni okae cekaletʼ ona lạgitʼ Isor do uniye bicạr akadea.”

Rak̕joṅ 2:5

Probhu Isor do bạiriko lekae hoyakana; uni do Israele utʼ akadea. Uni do ona reakʼ sanam dolankoe mohor meṭaokeda ar uniyakʼ sanam gaṛko hõe jarkhar akatʼtaea. Uni do Jihudạ hoponerawakʼ homor halaṅe ḍherakatʼtaea.

2 Rapajko 6:27

Raje roṛ ruạṛkeda, “Probhu Isor bae goṛowạń khan iń do cekateń goṛowama? Khạrại khon, se darkha lelenḍ kunḍ khon?”

Bikʼcạrko 5:31

E Probhu Isor, amren bạiriko nonkageko marao cabakʼma; menkhan okoe amko dulạṛme Onko do siń cando leka daṛeanko hoyokʼma. Inạ tayom disạmre pongel bochor hạbicʼ suluk tahẽkana.

1 Samuel 28:15

Samuel do Sạule kulikedea, “Cedakʼ rakapʼ ạgukateyem ạṛisedeń kana?” Sạule menkeda, “Ạḍi muhinreń paṛao akana. Philisṭiko do iń upạrteko lạṛhạikana ar Isor hõe bạgi giḍi akadińạ. Uni do nạbiko hotete hõ baṅ, ar kukmũte hõ bae roṛ ruạṛạń kana. Ona iạte ńitokʼ cetʼ cekae jạruṛtińạ ona baḍae lạgitʼge amiń rakapʼ ạgu ocoakatʼmea.”

1 Samuel 28:17

Iń hotete uni okaṭakʼe roṛletʼ onageye kạmi akada. Uni do amakʼ ti khon rajosṭiye hatao akada ar am pheḍren hoṛ Dạude emakawadea.

Rak̕joṅ 2:4

Bạiri leka uni do acʼakʼ sare aṛakʼ akatʼtaea, acʼakʼ jojomti tulkateye teṅgoyena mitʼṭecʼ modoi leka. Okoe ńelte onkoko rạskạkʼkan tahẽkan onko doe gocʼ giḍi akatʼkoa. Sion hoponerawakʼ tạmbure seṅgel leka acʼakʼ edreye dul akatʼtaea.