1 Samuel 28:14 - সান্তালী বাইবেল

¹⁴ Sạul do uniye kulikedea, “Uni do okoe lekae ńelokʼ kana?” Uni doe menkeda, “Mitʼṭen haṛam hoṛ rakapʼ hijukʼ kaniń ńelekana; uni do cadorteye oyoakana.” Onate Sạul doe bujhạukeda, uni doe Samuel kana. Ar otreye ombakʼente uniye ḍobokʼadea.

1 Samuel 28:14 Referans Kwoze

1 Samuel 15:27

Niạ menkate Sạmuel do calakʼ lạgitʼe ạcuren khan Sạul do uniyakʼ kicricʼ ańcare sapʼketʼtaea; ar onate uniyakʼ kicricʼ do oṛecʼentaea.

2 Rapajko 2:8

Eliạ do acʼakʼ hoṛmo reakʼ oyonakʼe lạṭumkeda ar onate jordan gaḍa dakʼe dalkeda. Onate dakʼ do bar hạṭińena ar unkin do rukhạṛge kin paromena.

1 Samuel 24:8

Ona tayom Dạud hõ dander khone oḍokente ãṭ aṛaṅte Sạul hohoateye metadea, “E ińren mạlik, maharaj!” Ar Sạul do tayom secʼe beṅgetʼ ạcurketʼ khan Dạud do otre ombakʼkate Sạule ḍobokʼadea.

1 Samuel 28:13

Raj do uniye metadea, “Alom botorokʼa; cetʼem ńeleda?” Maejiue menkeda, “Iń do mitʼṭen debota ot khon rakapʼ hijukʼ kaniń ńelekana.”

1 Rapajko 19:19

Tayomte Eliạ do onḍe khone oḍok calaoente Saphatren hopon Elisa sãoteye ńapamena. Uni do gelbar joṛa ḍaṅgrawante jumiye cacas kan tahẽkana ar uni do siyokʼ jokhecʼ tayom utạrakʼ nahelreye tahẽkana. Ar Eliạ do uni ṭhen senkate acʼakʼ oyonakʼ bocʼkate uniye lade oṭoadea.

2 Rapajko 1:7

Raj do onkoe kuliketʼkoa, “Okoeṭakʼ hoṛ ape sãoteye ńapamen ar niạ kathae metatʼpe uni do ńelokʼte cetʼ lekan hoṛ kanae?”