1 Samuel 28:11 - সান্তালী বাইবেল

¹¹ Khange uni maejiue menkeda, “Enḍekhan am lạgitʼ do okoeyiń rakapʼ ạguiyea?” Sạule menkeda, “Samuel ạguiyem.”

1 Samuel 28:11 Referans Kwoze

1 Samuel 28:10

Unre Sạul do Probhu Isor ńutumte kiriạkateye menkeda, “Jiwetʼ Isor ńutumteń metam kana, niạ iạte am cetanre cetʼ sạjạige baṅ hijukʼa.”

1 Samuel 28:12

Uni maejiu do Sạmuele ńelkede khan ạḍi garteye kikiạu gotʼkeda ar Sạule metadea, “Cedakʼem ṭhokakedińa? Am mam Sạul kange coṅ.”

Dosar Biboron 18:11

okoe do bhutko hoteteye kạmikan, okoe do bạṛicʼ jiu sãoteye peṛakʼ ar okoe do gocʼ hoṛkoe ḍakaoko.

1 Samuel 28:15

Samuel do Sạule kulikedea, “Cedakʼ rakapʼ ạgukateyem ạṛisedeń kana?” Sạule menkeda, “Ạḍi muhinreń paṛao akana. Philisṭiko do iń upạrteko lạṛhạikana ar Isor hõe bạgi giḍi akadińạ. Uni do nạbiko hotete hõ baṅ, ar kukmũte hõ bae roṛ ruạṛạń kana. Ona iạte ńitokʼ cetʼ cekae jạruṛtińạ ona baḍae lạgitʼge amiń rakapʼ ạgu ocoakatʼmea.”

Jesaea 8:19

Hoṛko do tinre onko ṭhen calakʼko metapea one okoe do gocʼ hoṛko ar bạṛicʼ jiuko sãote helmelko dohoyetʼ arko biṛ biṛetʼkan, unre ape do cetʼ Isor ṭhen calakʼ lek baṅkantapea? Okoe jiwetʼ menakʼko onkoren hoykate cedakʼ gocʼko sãote sopolha lạgitʼ dope calakʼa?