1 Samuel 27:6 - সান্তালী বাইবেল

⁶ Unre Akis do Dạud Siklag nagrahae danadea. Ar un khon teheń hạbicʼ Siklag do Jihudạ rajakʼ tabere tahẽyena.

1 Samuel 27:6 Referans Kwoze

Nehemiạ 11:28

Siklag, Mekona ar ona sorteakʼ atoko,

1 Bõsbudạ 12:20

Dạud do Siglogteye ruạṛ calakʼ jokhecʼ Manase gusṭiren okoeko hoṛ do akoakʼ dol bạgikate uni ṭhenko senlen onko doko hoyokʼkana, Adon, Josabad, Jidiyel. Mikhayel, Josabad, Elihu ar Silthoy. Noko do Manase gusṭiren mimitʼ hajar lạṛhại phạdkoren subedarko tahẽkana.

1 Bõsbudạ 12:1

Kisren hopon Sạul samaṅ khon Dạude pharak ocoyen khan ḍher hoṛge Siglogre Dạud ṭhenko hecʼena. Ar lạṛhại jokhecʼ okoeko lạṛhại phạd do Dạudko goṛowade tahẽkan onko modre noko hõko tahẽkana.

2 Samuel 1:1

Sạulakʼ gujukʼ tayom Dạud do Amelekikoe bhagaoketʼkote Siglokteye ruạṛ hecʼena ar onḍe bar dine tahẽyena.

1 Samuel 30:14

Ale do Negeb reakʼ Korethikoakʼ dạkhin nakha reakʼ, Jihudạ reakʼ thoṛa hĩs ar Kaleb reakʼ dạkhin ṭoṭhate luluṭle senlena ar Siklog do seṅgeltele jharkhar akada.”

1 Samuel 30:1

Dạud do acʼren hoṛkoante tesar hilokʼ Siklagteye seṭerena. Menkhan inạko dinre Amalekiko do Negebre Philisṭikoakʼ ṭoṭhare ar Siklagreko luṭ akatʼ tahẽkana. Onko do Siklag ńẽtʼkate seṅgelteko ḍahao marao akatʼ tahẽkana ar onḍeko tahẽkan sanam maejiuko ar huḍiń lạṭu joto do bondikateko idiakatʼko tahẽkana. Menkhan gocʼ do okoe hõ bako gocʼakatʼko tahẽkana, eken ruạṛ calakʼ jokhecʼko soṅge toraletʼko tahẽkana.

1 Samuel 19:5

Uni do acʼakʼ jiwi cuputʼkate uni Philisṭi hoṛe gocʼkedea, ar Probhu Isor do goṭa Israel lạgitʼ maraṅ bańcaoe hoeocokeda; ar ona ńelte am dom kusilena. Enḍekhan ńitokʼ do cedakʼ ạuṛiyakʼte Dạud gojete mitʼṭen bindusi hoṛakʼ mãyãm joro ocoyte uni upạrtem kạiya.”

1 Samuel 27:5

Mitʼdin Dạud do Akise metadea, “Am nońjorre dayań ńamakatʼ khan niạ disạm reakʼ jãhãn mitʼṭecʼ atore thoṛa jaega imạńme jemon onḍe senkateń girobas daṛeakʼ. Amren guti do cedakʼ am sãote raj nagrahareye tahena?”

1 Samuel 29:4

Niạ katha ańjomkate Philisṭi subedarko do Akis cetanre raṅgaoenteko menkeda, “Nui hoṛ do ruạṛkaeme. Okare jaegam emakawade onḍegeye ruạṛ calakʼma. Abo sãote lạṛhại do bae sen daṛeakʼa. Uni do lạṛhại senkate abo upạrteye teṅgokʼa. Uniren mạlike kusi ocoye khan aboren hoṛkoakʼ bohokʼtegeye kusi ocoyea.