1 Samuel 26:20 - সান্তালী বাইবেল

²⁰ Menkhan aben ṭhen ạlińakʼ nehõr do noage, Probhu Isor bạnui nonkan sạṅgiń jãhã ṭhạ̃ire ạlińakʼ mãyãm jemon alo jorokʼ. Burure cetʼleka hoṛ do citri cẽṛẽ sendarko calakʼ onkage Israelkoren raj hõ mitʼṭen tejo sendraye lạgitʼe oḍokʼ hecʼakana.”

1 Samuel 26:20 Referans Kwoze

1 Samuel 24:14

“Israelren raj do cele pańjaye lạgitʼe oḍok hecʼakana? Ar okoeye khudạu baṛayede kana? Cedakʼ aben do mitʼṭen gocʼ seta do ben khudạu baṛayedea, cedakʼ aben do mitʼṭen mermeṭecʼ ben khudạuede kana?

Mathae 26:55

Uni do gadel hoṛkoe metatʼkoa, “Iń do cetʼ ḍạku kạnạń, onate tarwaṛe ar ṭheṅgawante iń sasapʼpe hecʼakana? Iń ma coṅ jaoge mundilre duṛupʼkateń cetʼako kan tahẽkan, ar unrema bacope sapʼlediń.

Mathae 26:47

Jisui roroṛkan tahẽkanrege, ńelpe, Jihudạ do onḍeye hecʼena. Uni do gelbar celako modren mitʼ hoṛe tahẽkana. Uni sãote ạḍi utạr hoṛ do tarwaṛe ar ṭhengawanteko hecʼena. Onko do maraṅ naekeko ar murubbikoko kol akatʼko tahẽkana.

1 Samuel 25:29

Ińren mạlik goje lạgitʼ jãhãeye khudạulere hõ ińiń baḍaea Probhu Isor do uniyakʼ jiwiye poṭom okokataea are rukhiyạyea. Menkhan amren bạirikoakʼ jiwi do ginḍwạrite dhiri ghiriyạ giḍikakʼ lekageye capatʼ giḍikoa.

1 Samuel 2:9

Uni do acʼ bhuktiyae kanko jaṅga do bae tohotʼ ocokoa, ar bedhorom hoṛ do ńutreko ḍahao maraokʼa; ente okoe manwa hõ apnarakʼ daṛete do bae jitạu daṛeakʼa.

1 Samuel 24:11

E ạlińren ạpuń, nõkʼõe ńelben, ạlińakʼ tire abenakʼ aṅgrop reakʼ ańcar kuṭrạ. Ạlińge abenakʼ aṅgrop khon ańcar liń getʼ kuṭrạ akatʼa menkhan aben do bạliń gocʼletʼ bena. Enḍekhan aben do ńitokʼ ben bujhạu daṛeakʼ kana je, aben cetanre ạlińakʼ jãhãn behokakʼ se hulteakʼ do bạnukʼa. Ar aben upạrte kại hõ bạliń kại akada, menkhan enhõ aben do ạliń gocʼliń lạgitʼ ben sendra baṛayetʼlińạ.

Jirimiạ 16:16

“Menkhan ńitokʼ do ḍher jạilạgeń hoho ạgukoa ar onko do hako lekako sapʼkoa. Ona tayom iń do arhõ sesendrako hõń hoho ạgukoa onko do mitʼke mitʼ maraṅ ar huḍiń buruko ar dhiri ciritʼ khonko sendra totʼkoa.

Rak̕joṅ 3:52

Ạuṛiyakʼte okoe ińren bạiriko hoyakan onko do cẽṛẽ leka laga lagate ińko ṭuṭi akadińạ.

1 Samuel 24:15

Probhu Isorge aben ar ạliń talare bikʼcạricʼe hoyokʼma are bicạr chinḍạu katalaṅ ma. Unige ạlińakʼ mamblae ńeljut ma ar abenakʼ ti khone rukhiyạ liń ma.”