1 Samuel 26:19 - সান্তালী বাইবেল

¹⁹ E ạlińren maharaj, ạlińren mạlik, ńitokʼ do dayakate abenren gutiyakʼ katha ańjom ben. Probhu Isorge ạliń upạrteye teṅgo akatʼ ben khan tobe do ạlińakʼ samaṅokʼakʼ uni ṭhen ataṅokʼma. Ar manwako onka akatʼ khan tobe do Probhu Isorakʼ sarap onkore paṛaokʼma, ente teheń do Probhu Isore em akatʼ sompottire ạlińakʼ oka bhag menakʼ ona khon laga ńir liń reakʼko kurumuṭu kana. Onko doko meneda, ‘Do calakʼme, ar debotako pujạwakome.’

1 Samuel 26:19 Referans Kwoze

2 Samuel 20:19

Ale do Israelko talare ale do sulukokʼ ar pạtiạranko kanale. Am do Israelko tala reakʼ gogo lekan nagraha marao giḍikakʼ do cedakʼem khojkana. Probhu Isorakʼ sompotti ar Israelko do cedakʼ utʼko reakʼ dom kurumuṭu kana?”

2 Samuel 16:11

Dạud do unre Abisae ar uniren sanam kạmiyạkoe metatʼkoa, “Ińren hoponge ińakʼ jiwi hatao reakʼe kurumuṭu kan khan Benjamin gusṭiren nui hoṛ do cetʼ artetʼge bae onkaea. Uni okae cekayetʼkan ona baṛe onka ocoaepe, ente Probhu Isorge ona onkae lạgitʼe metaekana.

2 Samuel 14:16

Iń ar ińren hoponiń do Isorakʼ sompotti khon, metakʼme acʼren hoṛko tala khon marao giḍi liń lạgitʼ okoe hoṛe kurumuṭukan uniyakʼ ti khon hoedaṛeakʼa maharaj doe rukhiyạ lińạ.

Sereńko 120:5

Hae ińakʼ bhạg do tinạkʼ bạṛicʼ! Iń do Mesekrenko leka upriạ minạńa, ar Kedarren hoṛkoakʼ tạmbureń berel akana.

1 Bõsbudạ 21:1

Soetan do Israelko upạrteye teṅgoyena. Uni do Dạudakʼ monre Israelko lekhako lạgitʼe uskurkedea.

1 Samuel 18:10

Dosar hilokʼ Isor ṭhen khon mitʼṭen bạṛicʼ jiu do hecʼkate Sạul cetanreye jãpaṛena. Onate uni do acʼakʼ oṛakʼre bhitrireye chaṭ paṭao baṛaekan tahẽkana. Ar Dạud do eṭakʼ dinko leka uni samaṅre peṛesaṅ baname ehopʼena. Unre Sạulakʼ tire mitʼṭecʼ borlom tahẽkana.

Genesis 8:21

Probhu Isor do ona dãṛẽ reakʼ jut so iạteye kusiyena ar mon monteye menkeda, “Manwa iạte ar tishõ ot do ar bạń sarapakʼa, ente cetʼleka sanam jiwiyankoń marao cabaketʼko onka do ar tishõ bạń onkaea.

2Timothi 4:14

Okoe Aleksander do tama reakʼe kạmikan uni do ińakʼ ạḍiye loksan akada. Uni okaṭakʼe ceka akatʼ ona do Probhu Isorgeye halawaema.

Galathiko lạgitʼ Pạul Apostolakʼ ciṭhi 5:12

Okoe apeko ạulạuetʼpe, onkore ińakʼ khojogokʼakʼ do noage, onko do apnarge jemonko getʼ begarokʼ.

Romiko lạgitʼ Pạul Apostolakʼ ciṭhi 14:15

Jãhãn jomakʼ iạte amren boeham duk ocoyedekan khan am do bam dulạṛede kana. Okoe lạgitʼ Mạsiye gocʼlen, jomakʼ karonte uni do alom nasao ocoyea.

Jesaea 60:5

Ona ńelte am do rạskạtem kharsalakʼa, ar hulạstem perejokʼa; jalapuri reakʼ dhon do am ṭhenko ạguiya, ar jạt jạtrenkoakʼ dhon do am ṭhen hijukʼa.

Kạhtukko 30:10

Guti do acʼren kisạ̃ṛ ṭhen alom cugliaea, ar baṅ khan uni doe sarapama arem dusi ocokʼa.

1 Rapajko 22:22

Probhu Isor do uniye kulikedea, ‘cetʼ lekatem bulạuea?’ Uni doe menkeda, ‘iń do senkate uniren sanam nạbikoakʼ mocare eṛe roroṛ jiu iń hoyokʼa.’ Probhu Isore menkeda, ‘amge uni dom bulạu idi daṛeaea. Amge senkate onkaeme.’

2 Samuel 24:1

Probhu Isor do arhõ Israelko cetanre pit caṛhaoentaea. Uni do onko upạrte Dạude uskurkedeteye metadea, “Am do senkate Israel ar Jihudạren hoṛkom lekhakoa.”

1 Samuel 25:24

Ar ona tayom do Dạudakʼ jaṅgare giḍiyenteye menkeda, “E ińren mạlik, joto dos do ińakʼ kangea. Dayakate amren kạ̃ṛmĩ roṛ ocoạńme ar ińakʼ katha ańjomtińme.

Levitikus 26:31

Iń do apeakʼ atoko, nagrahako ar dewa-sewa oṛakʼkoń marao giḍikatapea. Ar apeakʼ samaṅokʼakʼko bạń ataṅtapea.

Genesis 44:18

Unre Jihudạ do Joseph ṭhen senkateye menkeda, “Hujur, am do Pharaoakʼ jaegare menama, onate amren golam am ṭhen thoṛa katha roṛ lạgitʼ aṛakʼạńme. Amren golam cetanre alom edrekʼa.

1 Samuel 24:9

Ar ona tayom do Sạule metadea, “Cedakʼ hoṛkoakʼ kathate ben pạtiạukʼ kana ạliń do abenakʼ loksan taben lạgitʼ liń kurumuṭu kana mente.

1 Samuel 27:1

Dạud do mone monteye hudiskeda, “Iń do Sạulakʼ tirege mitʼdin gujukʼ hoyokʼtińạ, onate Philisṭikoakʼ disạmtege dạṛ pharakokʼ bhage hoyokʼ tińạ. Enḍekhan Israel disạmre uni do ar bae sendra baṛayińạ, ar iń hõ uniyakʼ ti khon rukhiyạń ńama.”

2 Samuel 21:3

Dạud do Gibeonkoe kuliketʼkoa, “Ape lạgitʼ do cetʼ iń ceka daṛekea? Ar apeakʼ loksanko cetʼ lekateń puruntapete Probhu Isorakʼ ạidạriren Israelpe bhor daṛekekoa?”

Numeri 36:7

Israelkoakʼ sompotti do mitʼ gusṭi khon eṭakʼ gusṭite baṅ calakʼa. Mimitʼ Israelko do hapṛamko ṭhen khonko ńamakatʼ gusṭi reakʼ sompotti sapʼ dohoy hoyokʼtakoa.

Numeri 36:9

Oka sompottige mitʼ gusṭi khon eṭakʼ gusṭite do baṅ calakʼa. Israelren mitʼke mitʼ gusṭi do ńamakʼ sompotti sapʼ dohoy hoyokʼtakoa.”

Dosar Biboron 13:3

Enḍekhan uni nạbi se kukmũ ńeńel hoṛakʼ katha alope ańjomtaea. Ente aperen Probhu Isor do mon ar ontortepe dulạṛedekana se baṅa ona ńel lạgitʼ biḍạureye paṛao ocoyetʼpea.

2 Samuel 16:10

Raje menkeda, “E Seruyaren hoponko, noa reaṅ ape sãote ińakʼ do cetʼ? Probhu Isorge, ‘Dạud sarapaeme’ noa kathae metaekan khan, tobe uni do okoeye kuli daṛekea, ‘cedakʼ nonka dom kạmikana?’ ”

Sereńko 20:4

Amakʼ monsubạge baṛeye puruntam ma, ar amakʼ sanam niṭ joṅakʼkoe purạu ma. (Sela)