1 Samuel 26:15 - সান্তালী বাইবেল

¹⁵ Dạude menkeda, “Am do cetʼ mitʼṭen bir kanam? Israelko modre am leka do cetʼ jãhãe menakʼkoa? Cedakʼ enḍekhan bạiriko khon amren mạlik maharaj do bam pahra doholedea? Amren mạlik maharaj goje lạgitʼ mitʼṭen hoṛ do onḍeye calaoena.

1 Samuel 26:15 Referans Kwoze

1 Samuel 26:14

Ar lạṛhại phạdko ar Nerren hopon Abner hohowadeteye metadea, “E Abner, jãhãnakʼ cetʼ bam roṛa?” Abnere roṛ ruạṛkeda, “Am dom okoe kante, rajem hohowae kana?”

1 Samuel 26:16

Am do ṭhikakʼ bam kạmi akada. Jiwetʼ Probhu Isor ńutumteń metam kana, am ar amren hoṛko do gujukʼ lek kanape, ente aperen mạlik, okoe doe ojokʼ bahal ocoakan, uni do bạiriko khon bape horho akadea. Rajakʼ bohokʼ ṭhen oka borlom ar dakʼ bhajan tahẽkan onakin do okayena?”

2 Samuel 3:38

Raj do acʼren hoṛkoe metatʼkoa, “Ape do cetʼ bape baḍaea, teheń Israel disạmren mitʼṭecʼ maraṅ mukhiyại gocʼena mente?

Daniel 4:19

Unre Daniel, metakʼme Beltesasar do kukmũ reakʼ katha hudiskateye botorena ar thoṛa okte lạgitʼe asbasoena. Onate raj doe menkeda, “E Beltesasar, kukmũ se ona reakʼ bhed do alo baṛeye cintạ ocomema.” Beltesasar doe roṛ ruạṛkeda, “E maharaj, niạ kukmũ ar niạ reakʼ bhed do amren bạiriko cetanre baṛe paṛaokʼma.”

Mathae 26:40

Inạ tayom acʼren celako ṭhene hecʼen khan jạpitʼ akatʼe ńelketʼkoa. Uni do Patrase metadea, “Iń tulucʼ cetʼ mitʼ ghonṭa hõ jagwar bape tahẽ daṛeada?