1 Samuel 26:12 - সান্তালী বাইবেল

¹² Ona tayom Dạud do Sạulakʼ bohokʼ ṭhen khon uniyakʼ borlom ar dakʼ bhajan hataokateye calaoena. Onko do celehõ bako ńelletʼkinạ, ar baḍae hõ bako baḍaeleda, ar okoe hõ bako ebhenlena. Jotoge acetko jạpitʼ akatʼ tahẽkana, ente Probhu Isor do kajak jạpitʼe ematʼko tahẽkana.

1 Samuel 26:12 Referans Kwoze

Genesis 2:21

Probhu Isor do Adame jạpitʼ ocokedea, ar onate Adam doe jạpitʼkeda. Ar unre uni khon mitʼṭen pańjrae oḍokketʼte ona jaega doe jel esetʼkada

Genesis 15:12

Tinre ạyupʼ hijukʼkan tahẽkana unre Abram doe jạpitʼkeda. Ar kajake jạpitʼ akatʼ tahẽkanre mitʼṭecʼ botoranakʼ ńut do unire hecʼena.

Jesaea 29:10

ente Probhu Isor do ape cetanre mitʼṭecʼ jạpitʼe ạguakada; apeakʼ mẽtʼ do nạbiko kana, apeakʼ ona mẽtʼ uni doe bond akada ar apeakʼ bohokʼ do cholte ńeńelkoakʼ kana, apeakʼ ona bohokʼ doe poṭom akatʼtapea.

Ester 6:1

Enhilokʼ ńindạ raj do bae jạpitʼ daṛeakʼ kan tahẽkana. Uni doe hukumkeda rajosṭi reakʼ Itihãs puthi jemon acʼ ṭhen ạgukʼ. Ar ona tayom do ona puthi khone paṛhao ańjom ocoyena.

1 Samuel 26:7

Ạyupʼ jokhecʼ Dạud ar Abisae do Sạulren lạṛhại phạdko talare kin boloyena. Unre Sạul do ḍera reakʼ maljal talareye jạpitʼ akatʼ tahẽkana. Ar uniyakʼ borlom do acʼakʼ bohokʼ secʼre otre bitʼ akatʼ tahẽkana. Uniren subedar Abner ar lạṛhại phạdko do uni beṛhaeteko giticʼ akan tahẽkana.

1 Samuel 24:4

Unre Dạudren hoṛko menkeda, “Probhu Isor oka din reakʼ kathae metatʼme tahẽkan ona din do teheń seṭer akana. Uni doe menleda, ‘amren bạiri do amakʼ tireń soprotea ar unire am oka bhagem hudis onam onkawaea.’ ” Unre Dạud doe beretʼente hape hapete Sạulakʼ aṅgrop reakʼ ańcare getʼ kuṭrạketʼtaea.

1 Samuel 26:13

Inạ tayom Dạud do ḍera khon thoṛa sạṅgiń reakʼ mitʼṭecʼ burure rakapʼkateye teṅgoyena.