1 Samuel 25:32 - সান্তালী বাইবেল

³² Dạud do unre Abigaele metadea, “Israelren Probhu Isorakʼge sarhao baṛe hoyokʼtaema, ente uni do teheń iń sãote ńapamokʼ lạgitʼe kolakatʼmea.

1 Samuel 25:32 Referans Kwoze

Luk 1:68

“Israelkoren Probhu Isorakʼ sarhao hoyokʼtaema, ente uni do acʼren hoṛko secʼe beṅgetʼ akada are chaḍao akatʼkoa.

Sereńko 72:18

Probhu Isor, okoe doe Israelkoren Isorkan, uniyakʼge sarhao hoyokʼtae ma; eken unige hahaṛawakʼkoe kạmikana.

Genesis 24:27

“Bhạgạngeae Probhu Isor do, one okoe doe ińren kisạ̃ṛ Abrahamren Isor kan! Uni do ińren kisạ̃ṛe emade tahẽkan katha ar pạtiạrtetʼ udug do bae hiṛiń akada. Unige horkoe udukʼ ạguạdińa ar iń kisạ̃ṛren boehawakʼ oṛakʼteń hecʼakana.”

2 Korinthiko 8:16

Ape lạgitʼ ińakʼ ontorre oka jid menakʼ, Isor do Titusakʼ ontorre hõ ona jidgeye emakatʼte Isoriń sarhaoedekana.

Esra 7:27

Aboren hapṛamkoren Probhu Isorakʼ sarhao baṛe hoyokʼtaema. Jerusalemre Isorakʼ oṛakʼre nonkan manot udukʼ reakʼ sana do rajakʼ ontorreye hoe ocoketʼtaea.

Sereńko 106:48

Sirjạu reakʼ etohopʼ khon jaejug hạbicʼ Israelkoren Probhu Isorakʼ sarhao baṛe hoyokʼtaema. Sanam hoṛko menma, “Amen.” Probhu Isorakʼge sarhao hoyokʼtae ma.

Josuạ 22:33

Ar ona ańjomte onko hõko kusiyena ar Isorko sarhaokedea. Rubenrenko ar Gadrenko oka disạmreko girobasokʼkan tahẽkan ona marao lạgitʼ onko upạrte lạṛhại reakʼ katha do ar bako roṛleda.

1 Rapajko 8:15

Ona tayom uniye menkeda, “Israelkoren Probhu Isorakʼ sarhao hoyokʼtaema. Uni do ińren ạpuń Dạud ṭhen acʼakʼ mocate okae gokʼletʼ ona do acʼ apnartetʼgeye purunkeda. Uni doe menleda,

Sereńko 31:22

Iń do botorteń menleda, “Am ṭhen khon iń doń begar akana.” Menkhan goṛo ńam lạgitʼ tinreń hohowatʼmea unre am do ińakʼ nehõrrem ańjomketʼtińạ.