1 Samuel 25:22 - সান্তালী বাইবেল

²² Isor do Dạudren bạiriko khạṭige cetʼlekae sạjạiko onkage ińhõ gapa setakʼ hạbicʼ Nabalakʼ oṛakʼren mitʼṭen herel hoṛ hõ jiwetʼ do bạń dohokoa.”

1 Samuel 25:22 Referans Kwoze

1 Rapajko 14:10

Ona iạte iń do Jerobiamakʼ bõs cetanre usạrage muhiniń paṛao ocoya. Uniyakʼ bõs khon mitʼke mitʼ herel hoṛ doń marao utạrkoa- baṅ doe golamkan ar baṅ doe sạdhin kan. Hoṛ do cetʼ leka gõeṭha rapakʼkateko torocʼ ocoyetʼkan onkage Jerobiamakʼ bõskoń marao utạra.

1 Samuel 20:13

Ar ạlińren baba abenakʼ bhạlại bae khoj ar ạliń bạliń baḍae ocoben ar nirạite bạliń kolben enḍekhan Probhu Isor do sạjạiye emalińma ona botor sạjạige. Probhu Isor do cetʼleka ạlińren baba sãoteye tahẽkan aben sãote hõ onkage baṛeye tahenma.

1 Samuel 3:17

Eliye kulikedea, “Isor do cetʼe menakatʼ mea? Ar iń ṭhen ona do alom danaṅkakʼa. Uni okae menakatʼ ona reakʼ thoṛagan hõ iń ṭhenem danaṅ dohokakʼ enḍekhan uni do maraṅ sạjạiye emam ma.”

1 Rapajko 21:21

Onate Probhu Isore meneda, ‘iń do am cetanre muhinkoń ạguiya. Ariń marao giḍikama. Golamge cetʼ sạdhinge cetʼ am bõsren mitʼke mitʼ herel hoṛ doń marao cabakoa.

2 Rapajko 9:8

Ahabakʼ bõsren jotogeko marao utạrokʼa. Golamge cetʼ ar sạdhinge cetʼ, Ahabakʼ bõsren mitʼke mitʼ herel hopon doń gocʼ cabakoa.

1 Rapajko 16:11

Raj lekate siṅghạsonre duṛubokʼ etohopʼrege Simri do Basa bõsren sanamkoe gocʼketʼkoa. Uniren gateko peṛako modre cele herel hoṛge jiwetʼ do bae doholetʼkoa.

1 Samuel 20:16

Jonathan do unre Dạud ar uniren bõsko sãote mitʼṭecʼe bondoboskeda, “Probhu Isorge Dạudren bạiriko cetanreye hala hạliyma.”

1 Samuel 14:44

Sạule menkeda, “Hẽ Jonathan, am do gujukʼtege hoyokʼtama. Isor do am sạjạiye emamma, ar khạṭige sạjạiye emama.”

Rut reakʼ kạhini 1:17

Ar aben okare ben gujukʼ ạliń hõ onḍege liń gujukʼa ar onḍege jemon ạlińakʼ topa hõ hoyokʼ. Gujukʼ chaḍa eṭakʼ jãhãnakʼ iạte laṅ begarokʼ enḍekhan Probhu Isor do jemon bạṛicʼ sạjạiye imạń.”