1 Samuel 25:18 - সান্তালী বাইবেল

¹⁸ Abigael do noa katha ańjomkate ar bae bilomleda. Uni do bar sae piṭhạ, bar kum darkha rasa, isin tearakʼ mõṛẽ goṭen bhiḍi reakʼ jel, mõṛẽ bosta atawakʼ anaj, mitʼsae thopa kismis ar bar sae thopa loa hataokate gadhakoreye ladekeda.

1 Samuel 25:18 Referans Kwoze

2 Samuel 16:1

Dạud do buru muthni khon thoṛae laha idiyen khan Mephibosetren guti Siba sãoteye ńapamena. Uni soṅgete do barea gadhakin tahẽkana ar unkinre do bojha lade tahẽkana. Ona bojhakinre do barsae piṭhạ, mitʼsae thoka kismis, mitʼsae thoka loa reakʼ piṭhạ ar harta reakʼ thulire mitʼ thuli darkha rasa tahẽkana.

Mathae 5:25

“Jãhãe am upạrteye mamblae khan adalotte ạuri calakʼrege uni sãote samka sạṭikʼme. Ar baṅkhan uni do hạkim ṭhene soprotmea, ar hạkim do pulis ṭhen, ar pulis do hajotreye bhoraomea.

Kạhtukko 18:16

Dan do manwa lạgitʼ hore phaelaoa, ona do kisạ̃ṛko ṭhene idi seṭerokʼ kana.

Kạhtukko 21:14

Oko okote emakʼ dan do raṅgaoe dapala, ar gochare emakʼ nońjor do kurkurạukʼ edrege.

1 Bõsbudạ 12:40

Ona chaḍa Isakar, Sebulon ar Napthali ṭoṭha khon hõ hoṛko do ũṭko, gadhako, khaccarko ar ḍaṅgrako cetanre decʼkate onko lạgitʼ jomakʼko ạguleda. Israel disạmren hoṛkoakʼ monre rạskạ tahẽkante onko do ḍher holoṅ, loa ar kismis, darkha rasa, sunum ar ḍaṅgrako, meromko ar bheḍako anteko hecʼlena.

1 Samuel 25:34

Amakʼ loksan khon okoe do sạṅgińreye doho akadiń uni Israelren jiwetʼ Isor ńutumte kiriạkateń meneda, usạrate hecʼkate iń sãote bam ńapamlen khan setakʼ hạbicʼ Nabalakʼ oṛakʼren cele herel hoṛge jiwetʼ do bako tahẽkokʼa.”

1 Samuel 17:17

Mitʼ din Jisại do acʼren hopon Dạude metadea, “Dadamteko lạgitʼ niạ gel irạl keji ata anaj ar niạ gel goṭen piṭhạ usạrate lạṛhại phạd reakʼ ḍerate idime,

1 Samuel 25:17

Ado ma hudisme am do ńitokʼ cetʼem cekaea, ente aleren kisạ̃ṛ ar uniren sanam hoṛko cetanre bạṛicʼakʼ do niṭ akana. Menkhan aboren kisạ̃ṛ do mitʼṭen bodmejaji hoṛ kanae, uni do okoeyakʼ kathage bae ańjoma.

Kạhtukko 31:12

Uni do sanam ghạṛicʼ acʼren jãwãetetʼe bhageyede kana, menkhan bạṛicʼakʼ do baṅa.