1 Samuel 25:11 - সান্তালী বাইবেল

¹¹ Ińren kạpcikan hoṛko lạgitʼ oka jomakʼ ar ńũńũakʼ iń dohoakatʼ ar gur akatʼko janwar reakʼ hataokate cetʼ nonkan hoṛiń emakoa okoe reaṅ do cetʼge bạń baḍaekan?”

1 Samuel 25:11 Referans Kwoze

Bikʼcạrko 8:6

Menkhan Sukotren mukhiyạkoko menkeda, “Cedakʼ amren lạṛhại phạdko do piṭhạle jom ocokoa? Seba ar Salmuna tạkinakʼ kuṭrạ akatʼ ti do cetʼ amakʼ tirem ạguakada?”

Galathiko lạgitʼ Pạul Apostolakʼ ciṭhi 6:10

Ạt bon ńamle khan sanamko lạgitʼ bhageakʼ bon kạmima, bạ̃ṛtikaete Isorren gharońjren hoṛko bhạlạiko lạgitʼ jemon bon kạmi.

1 Patras 4:9

Begor karacʼ kurujokʼte ape apere peṛakʼpe.

2 Korinthiko 6:9

Hoṛ do ale oromle bako monejoṅ kana, menkhan sanamkoge ale doko orom akatʼlea. Ale do gujukʼ barag lekale hoyakanre hõ jiwetʼ menakʼlea. Arle dal ocokʼkanre hõ bale gocʼ ocokʼ kana.

Jobakʼ 31:17

ińakʼ jomakʼ do ṭũạr amarko baṅ emkate eskargeń jomakatʼ khan!

1 Samuel 25:3

Uni hoṛakʼ ńutum do Nabal ar uniren bạhuttetʼakʼ ńutum do Abigael tahẽkana. Maejiu do budan ar ńelokʼte hõ napaegeye tahẽkana, menkhan uniren jãwãetetʼakʼ beohar do corcoṭaṅ ar bạṛicʼge tahẽkantaea. Uni do Kaleb bõsren hoṛe tahẽkana.

1 Samuel 24:13

Sedaeren hoṛkoakʼ kạhtuk menakʼa, ‘bedhorom khonge bedhorom do oḍok hijukʼa,’ ona iạte ạliń do aben upạrte ti bạliń rakab tạlińa.

Dosar Biboron 8:17

Ape do mone montepe menkea, ‘ińakʼ nij daṛete, ińakʼ tite kạmikate niạko dhon doń hoyocoakada.’

Bikʼcạrko 8:15

Ar Gideon do Sukotre senkate onḍenko hoṛe metatʼkoa, “Nukin ńelkinpe Seba ar Salmuna. Nukin lạgitʼge posṛa kedeńtepe menleda, ‘cedakʼ amren lạṛhại phạdko do piṭhạle jom ocokoa? Seba ar Salmunawakʼ ti do cetʼem kuṭrạ ạgu akada?’

1 Samuel 25:7

Ar ona tayompe metaea, iń doń ańjomkeda onḍe do bhiḍikoakʼ upʼ kạpciytako reakʼ kạmi calakʼ kana. Uniren gukʼpiko tinạkʼ din ale sãoteko tahẽkan unạkʼ din onko sãote bạṛicʼ do bale beohar akada ar tinạkʼ din Karmelreko tahẽkan onkoren celege bako kombṛolena.

1 Samuel 25:12

Niạ katha ańjomkate onko hoṛ doko ruạṛ senena ar sanamakʼ katha Dạudko lạiyadea.

Bikʼcạrko 8:8

Gideon do onḍe khon Penuelteye rakapʼ calaoena ar onḍenko hoṛ hõ piṭhại koeketʼkoa. Menkhan Sukotren hoṛko cetʼlekako metade onkage onko hõko menkeda.