1 Samuel 25:1 - সান্তালী বাইবেল

¹ Tayomte Samuel doe gocʼena. Ar Israelren sanam hoṛko do jarwa mitʼkate uni lạgitʼko homor halaṅkeda. Onko do Ramare uniyakʼ oṛakʼregeko topakadea. Ona tayom Dạud do Paran hahaṅkarteye calaoena.

1 Samuel 25:1 Referans Kwoze

1 Samuel 28:3

Noa laharege Samuel doe gocʼ akan tahẽkana, ar Israelren sanam hoṛ do uni lạgitʼko homor halaṅleda ar uniyakʼ nagraha Ramareko topa akade tahẽkana. Okoe gocʼ hoṛkoren jiu tulucʼ kathako roṛ ar bạṛicʼ jiuko sãote jopoṛaoko dohoy Sạul do nonkan hoṛko disạm khone laga ńirletʼko tahẽkana.

Dosar Biboron 34:8

Ar Israelko do Moab reakʼ bilạn ṭạnḍire Mose lạgitʼ pegel din hạbicʼko homor halaṅkeda. Ar ona tayom do homor halaṅokʼ reakʼ dinko mucạtʼena.

Numeri 20:29

Ar Israel hoponko do tinreko baḍaekeda, Aron doe gocʼena unre goṭa Israel jạtrenko pegel din hạbicʼ uni lạgitʼko homor halaṅkeda.

2 Bõsbudạ 33:20

Tayomte Manase do acʼren hapṛamko ṭhene senena ar raj oṛakʼrege uni doko topakadea. Ar uniyakʼ jaegare do uniren hopon Amon do raje hoyena.

Aposkạmi 8:2

Ar adom Isor bhokti hoṛ do Stephanko topakedea ar uni lạgitʼ ạḍiko rakʼ homorkeda.

Numeri 10:12

Ar Israel hoponko unre sinại hahaṅkarko bạgiyatʼte onḍe khonko mohnḍayena. Ar Paran hahaṅkarre ona rimil ạuri teṅgokʼ hạbicʼ onko do calakʼtegeko tahẽyena.

Genesis 21:21

Uni do Paran ńutumanakʼ mitʼṭecʼ hahaṅkar ṭoṭhare girobasokʼe ehopʼena. Ar uniren eṅgattetʼ do Misor disạmren mitʼṭen kuṛi sãoteye baplakadea.

1 Rapajko 2:34

Unre Jehuyadaren hopon Banae do senkate Joabe gocʼkedea. Ar hahaṅkar ṭoṭhare acʼakʼ oṛakʼreko topakadea.

Numeri 13:3

Probhu Isorakʼ hukum ńamkate Mose do onkageye kạmikeda. Uni do Paran hahaṅkar ṭoṭha khon okoekoe kolketʼko onko sanamkoge Israelkoren mukhiyạko tahẽkana.

Jesaea 14:18

“Jạt jạtren sanam rapajko do ṭhonokreko giticʼakana, onkoakʼ apan ạpin topare.

Sereńko 120:5

Hae ińakʼ bhạg do tinạkʼ bạṛicʼ! Iń do Mesekrenko leka upriạ minạńa, ar Kedarren hoṛkoakʼ tạmbureń berel akana.

1 Samuel 7:17

Ar ona tayom uni do acʼakʼ oṛakʼ Ramateye ruạṛ calakʼkan tahẽkana. Uni do onḍe hõ Israelkoe bicạretʼko tahẽkana. Ar Probhu Isor ńutumte onḍe mitʼṭecʼ pinḍe benaoletʼ tahẽkana.

Numeri 13:26

Onko mukhiyạ do Paran hahaṅkar reakʼ Kadeste Mose, Aron ar sanam Israel ṭhenko ruạṛ hecʼena. Ar ona disạm reakʼ jotowakʼko lạiyatʼkoa ar jo hõko udukʼatʼkoa.

Numeri 12:16

Inạ tayom Israelko do Hasoret bạgikate Paran hahaṅkarte senkateko ḍerayena.

Genesis 50:11

Atadkoakʼ khạrạire nonka rakʼ hokʼmorko ńelketʼ khan ona disạmren hoṛ do, metatʼme Kananren hoṛko menkeda, “Noa do Misorrenkoakʼ ãṭ homorkangea.” Onate jordan gaḍa eṭakʼ aṛe reakʼ noa jaega do Abel Misrayim ńutumko dohokeda (Metakʼme, “Misorrenkoakʼ rakʼ homor”).

2 Rapajko 21:18

Tayomte Manase do acʼren hapṛamko ṭhene senena ar uni do raj oṛakʼ reakʼ bagwanre, metakʼme Usakʼ bagwanreko topakadea. Ar uniyakʼ jaegare uniren hopon Amon do raje hoyena.

1 Samuel 1:19

Dosar hilokʼ setakʼ onko do beretʼkate mundilre senkate Probhu Isorko sewawadea. Ar ona tayom do akoakʼ oṛakʼ Ramoteko ruạṛ calaoena. Tayomte Elkana do acʼren bạhu Hanna ṭhene boloyena ar Probhu Isor hõ Hannae luturadea.

Sakariạ 1:5

Aperen onko hapṛam do ńitokʼ okare menakʼkoa? Ar nạbiko do cetʼ jaejug jiwetʼko tahena?