1 Samuel 24:22 - সান্তালী বাইবেল

²² Ar Dạud do Sạul ṭhen onageye kiriạyena. Ona tayom Sạul do oṛakʼteye ruạṛ calaoena, ar Dạud do acʼren hoṛkoante gaṛko metakʼkan ona buruteye rakapʼ calaoena.

1 Samuel 24:22 Referans Kwoze

1 Samuel 23:29

Dạud do onḍe khone uṭhạuente En gedi reakʼ buru gaṛkore senkateye tahẽyena.

Johan 2:24

Menkhan Jisu do onko ṭhen bae sodorlena, ente uni do joto hoṛe baḍae akatʼko tahẽkana.

1 Samuel 26:25

Unre Sạul do Dạude metadea, “E jãwãe, bhạgangea ben, aben do khạṭige maraṅ maraṅakʼ ben kạmiya arben jitạukʼa.” Inạ tayom Dạud do acʼakʼ horteye calaoena ar Sạul hõ oṛakʼteye ruạṛena.

Genesis 21:22

Ona oktere Abimelek ar acʼren maraṅ senapoti Pikol do Abraham ṭhen hecʼkatekin menkeda, “Am jãhãnakʼgem kạmiyetʼ amakʼ joto kạmirege Isor do am sãote menaea.

Genesis 21:23

Onate am do Isor ńutumte ńit iń ṭhen noa kiriạkʼme, iń ar ińren hoponko sãote se ińren bõsko sãote am do eṛe bam beohara. Cetʼ leka am tulucʼ pạtiạr salakʼ iń beohar akatʼ, ṭhik onkage amhõ iń sãote ar oka disạmre upriạ menam ona disạmren hoṛko sãote pạtiạr salakʼem beohara.”

2 Samuel 21:6

uniyakʼ bõs khon eae goṭen herel hoṛ aleakʼ tire soprotaleme. Ale do Probhu Isorren bachao hoṛko, metakʼme Sạulakʼ nagraha Gibeonre Probhu Isorakʼ burure Probhu Isor samaṅre onkole gocʼkoa ar sanamko samaṅre onkoakʼ mạ̃ṛĩkole giḍikakʼa.” Raj doe metatʼkoa, “Iń do apeakʼ tire onkoń soprotkoa.”

2 Samuel 21:7

Dạud do Sạulren goṛomtetʼ koṛa, metakʼme Jonathanren hopon Mephiboset do jiwetʼe dohokedea, ente Sạulren hopon Jonathan ṭhen uni do Probhu Isor samaṅreye kiriạlena.