1 Samuel 24:21 - সান্তালী বাইবেল

²¹ Onate ńitokʼ Probhu Isor ńutumte kiriạ ạliń ben, jemon ạlińren tayom bõsko baben marao utạrko ar ạlińakʼ ńutum hõ ạlińren ạpuńakʼ bõs khon alo ben mohor meṭao giḍikakʼa.

1 Samuel 24:21 Referans Kwoze

Genesis 21:23

Onate am do Isor ńutumte ńit iń ṭhen noa kiriạkʼme, iń ar ińren hoponko sãote se ińren bõsko sãote am do eṛe bam beohara. Cetʼ leka am tulucʼ pạtiạr salakʼ iń beohar akatʼ, ṭhik onkage amhõ iń sãote ar oka disạmre upriạ menam ona disạmren hoṛko sãote pạtiạr salakʼem beohara.”

Ibriko 6:16

Manwa do acʼ khon okoeye maraṅa uni ńutumtegeye kiriạkʼ kana. Onate ona kiriạ do noa khạṭitetʼe kajakaea, oka roṛakan ona do sạrigea mente, ar nonkate joto gulmal do cabakʼa.

Genesis 31:53

Arben onkale khan Abrahamren Isor ar Nahorren Isor ar onkoren hapṛamkoren Isorge jemonko bicạrlaṅ.” Menkhan Jakob do acʼ apatren Probhu Isor ńutumteye kiriạyena.

Genesis 31:48

Labane menkeda, “Teheń do noa ḍhipige alaṅ talare goha tahẽyena.” Ona iạte noa ḍhipi reakʼ ńutum do Galedkin dohokeda.

1 Samuel 23:17

Jonathane menkeda, “Aloben botorokʼa; ạlińren baba Sạulakʼ tire do baben sapʼ ocokʼa. Aben do Israel disạmren rajben hoyokʼa, ar ạliń do abenren dosaricʼge. Ạlińren baba hõ niạ katha doe baḍaegea.”

1 Samuel 25:28

Amren kạ̃ṛmĩyakʼ behokakʼ do dayakate ikạkakʼme. Probhu Isor do khạṭige ińren mạlikakʼ bõse teṅgo ṭarhaoa, ente uni do Probhu Isorakʼgeye lạṛhại kana. Ar ńit hạbicʼte amre cetʼ bạṛicʼakʼge baṅ ńel akana ar baṅ ńamokʼa.

1 Samuel 25:30

Probhu Isor do ińren mạlikakʼ bhạlại reakʼ gokʼakʼe purạutaea ar Israelren mukhiyạ lekateye teṅgo ṭarhaoea.