1 Samuel 24:14 - সান্তালী বাইবেল

¹⁴ “Israelren raj do cele pańjaye lạgitʼe oḍok hecʼakana? Ar okoeye khudạu baṛayede kana? Cedakʼ aben do mitʼṭen gocʼ seta do ben khudạu baṛayedea, cedakʼ aben do mitʼṭen mermeṭecʼ ben khudạuede kana?

1 Samuel 24:14 Referans Kwoze

1 Samuel 26:20

Menkhan aben ṭhen ạlińakʼ nehõr do noage, Probhu Isor bạnui nonkan sạṅgiń jãhã ṭhạ̃ire ạlińakʼ mãyãm jemon alo jorokʼ. Burure cetʼleka hoṛ do citri cẽṛẽ sendarko calakʼ onkage Israelkoren raj hõ mitʼṭen tejo sendraye lạgitʼe oḍokʼ hecʼakana.”

2 Samuel 9:8

Niạ katha ańjomkate Mephiboset do uni ḍobokʼ adeteye menkeda, “Amren guti doe celekante, iń lekan mitʼṭecʼ gocʼ setam beṅgetʼae kana.”

1 Samuel 17:43

Goliạt do Dạude metadea, “Iń do cetʼ seta kạnạń onate ṭheṅgawante iń ṭhenem hijukʼkana?” Uni do acʼren debotako ńutumte Dạude sarapadea.

1 Rapajko 21:7

Unre uniren bạhu Isebel doe menkeda, “Am do cetʼ Israelkoren raj dom baṅkana? Ma beretʼme, ar jom-ńũiyme, ar rạskạkʼme. Jisriyelren Nabatakʼ darkha bagwan do ińiń emama.”

2 Samuel 16:9

Noako katha ańjomkate Seruyaren hopon Abisae do raje metadea, “Nui gocʼ seta do ińren kisạ̃ṛ maharaj cedakʼe sarapae kana? Den uniyakʼ bohokʼ hesetae lạgitʼ aṛakʼạńme.”

2 Samuel 3:8

Isabosetakʼ katha ańjomkate Abner do ạḍi raṅgaoenteye menkeda, “Iń do cetʼ Jihudạ secʼren seta kạnạń? Teheń hạbicʼ amren ạpum Sạulakʼ gharońjre ar uniren peṛa pạrbhạko ar gateko talare pạtiạrạnicʼ hoṛ kạnạń. Iń do Dạudakʼ tire bạń jimạ akatʼmea. Ar am do uni maejiu sãoteyem dusiyedeń kana!

2 Samuel 6:20

Inạ tayom Dạud do acʼakʼ gharońjren hoṛko ạsirbad ako lạgitʼ tinreye ruạṛ hecʼena unre Sạulren hoponera Mikal do uni daram ạguye lạgitʼe oḍok hecʼena are menkeda, “Israelkoren raj teheń do cetʼlekae manotena! Uni do kharap hoṛko leka acʼren kạ̃ṛmĩko samaṅre hoṛmo reakʼ kicricʼkoe totʼ giḍiketʼtaea.”

Hosea 10:13

Menkhan ape do dusṭạmigepe laṭkao akawana, ar bạṛicʼakʼ reakʼ phosolpe getʼ akada ar eṛeteakʼ jo hõpe jom akada. Ape do apeakʼ daṛe ar ḍher lạṛhạiko cetanrepe bhorsa akana;