1 Samuel 23:7 - সান্তালী বাইবেল

⁷ Dạud Kayilare menaea menteye ańjomketʼ khan Sạule menkeda, “Niạ dhao Isor do ińakʼ tire Dạude jimạ akadea, ente phaṭok-duạranakʼ ar hurkạṛanakʼ nagrahateye boloakante uni do apnarteye siń esetʼ akana.”

1 Samuel 23:7 Referans Kwoze

Jobakʼ 20:5

dusṭạmikoakʼ hulạs joṅ do thoṛa ghạṛi lạgitʼ kana. Ar bedhoromkoakʼ rạskạ do eken mitʼ ripitʼ lạgitʼ kana;

1 Samuel 23:14

Dạud do hahaṅkar reakʼ buru gaṛkore ar Siph hahaṅkar reakʼ buru ṭoṭhareye tahẽyena. Ar Sạul do dinke din Dạude sendra baṛakedea menkhan Isor do uniyakʼ tire Dạud bae soprotledea.

Exodus 15:9

“Bạiri doe menkeda, ‘onkoń khudạukoa, ariń sapʼkoa, ar onkoakʼ jiniskoń hạṭińjoṅa; iń do onkoakʼ jiniskote apnar iń perejokʼa. Ar tarwaṛe sapʼkate onkoń khudạukoa.’

Exodus 14:3

Noa ńelte Pharao doe hudisa Israelko do bako ṭhik daṛeakʼkana cetʼko cekaea mente onko do disạmrege ạcur baṛaete hahaṅkarregeko aṭkao akana.

1 Samuel 23:6

Ahimelekren hopon Abiathar do Dạud ṭhen Kayilateye dạṛketʼ oktere soṅgete maraṅ naekewakʼ ehpod hõe idi daraleda.

1 Samuel 23:8

Ar Sạul do Kayilare senkate Dạud ar uniren hoṛ gherao esetʼko lạgitʼ acʼren sanam lạṛhại phạdkoe hoho jarwaketʼkoa.

Sereńko 31:21

Probhu Isorakʼge sarhaokʼ hoyokʼtae ma. Pạcrianakʼ nagraha khon uniyakʼ dulạṛ do hahaṛageye udukʼ akawạdińạ.