1 Samuel 23:4 - সান্তালী বাইবেল

⁴ Unre Dạud do arhõ Probhu Isor ṭhene kuliyana ar Probhu Isor do roṛ ruạṛadeteye metadea, “Kayilate Do calakʼme, Philisṭiko do amakʼ tireń soprot akatʼkoa.”

1 Samuel 23:4 Referans Kwoze

Bikʼcạrko 7:7

Unre Probhu Isor do Gideone metadea, “Okoe pe sae hoṛ do alaṅte caṭokʼkate dakʼko ńũketʼ onko hotetege iń doń bańcaopea ar apeakʼ tire Midiạnrenkoń jimạkoa. Ar eṭakʼko do apan ạpin oṛakʼteko ruạṛ joṅma.”

Josuạ 8:7

unre ape do ona oko akan jaega khon oḍok hecʼkate nagrahape dokhola. Aperen Probhu Isorge ona do ape tireye jimạya.

2 Rapajko 3:18

Probhu Isor ṭhen noa do alga kạmikana. Ona chaḍa uni do Moab disạm hõ apeakʼ tireye jimạ akada.

2 Samuel 5:19

Unre Dạud do Probhu Isor ṭhene kuliyana, “Iń do cetʼ Philisṭikoń ńẽtʼkoa? Am do cetʼ ińakʼ tire onkom jimạkoa?” Probhu Isore roṛ ruạṛkeda, “Hẽ, Do calakʼme. Iń do khạṭige amakʼ tire Philisṭikoń soprotkoa.”

1 Samuel 28:6

Ar cetʼe cekaea mente Probhu Isor ṭhene kuliyana, menkhan Probhu Isor do kukmũte hõ baṅ, Urim ar Thumimte hõ baṅ se nạbiko hotete hõ bae roṛ ruạṛadea.

Bikʼcạrko 6:39

Ona tayom Gideon do Isore metadea, “Iń cetanre alom raṅgaokʼa. Iń do eken ar mitʼ dhaoiń biḍạumea. Ńitokʼ do bhiḍi upʼ rohoṛge tahenma ar otre do sisir ńurhạkʼma. ”

1 Samuel 10:22

Unre hoṛko do Probhu Isorko kulikedea, “Nonḍe do cetʼ ar jãhãe menakʼkoa?” Probhu Isore menkeda, “Ńelpe, uni do asbabko talareye oko akana.”

1 Samuel 23:2

Unre Dạud do Probhu Isore kulikedea, “Iń do cetʼ senkate onko Philisṭikoń ńẽtʼkoa?” Probhu Isore roṛ ruạṛadea, “Hẽ, Do calakʼme. Philisṭiko ńẽtʼkate Kayila nagraha rukhiyạime.”

1 Samuel 23:3

Menkhan Dạudren hoṛko menkeda, “Jihudạ disạmre abo do luyutʼ cuputʼ menakʼ bona; Kayilaren Philisṭi lạṛhại phạdko upạrte bon calakʼ do cetʼ artetʼ botoranakʼ baṅkana?”

1 Samuel 23:5

Dạud do unre acʼren hoṛkoante Kayilateye calaoena ar Philisṭiko sãoteye lạṛhạiyena ar onkoren ḍaṅgrako, bhiḍikoe luṭ ạguketʼkoa. Ar Philisṭiren ḍher hoṛe gocʼketʼkote Kayilaren hoṛkoe rukhiyạketʼkoa.

2 Samuel 2:1

Dạud do Probhu Isor ṭhene kuliyana, “Iń do cetʼ Jihudạ ṭoṭha reakʼ jãhãn mitʼṭecʼ nagrahateń calakʼa?” Probhu Isore menkeda, “Hẽ, calakʼme.” Dạude kulikedea, “Iń do okateń calakʼa?” Probhu Isore roṛ ruạṛkeda, “Hebronte rakapʼ calakʼme.”

Bikʼcạrko 7:9

Enhilokʼ ạyupʼ jokhecʼ Probhu Isor do Gideone metadea, “Beretʼme, ar pheḍ senkate onkoakʼ ḍera cetanre jhãp emme. Iń do amakʼ tireń jimạ akatʼkoa.

1 Bõsbudạ 14:10

Unre Dạud do Isor ṭhene kuliyana, “Iń do cetʼ Philisṭiko cetanre jhãp iń ema se baṅa? Am do cetʼ ińakʼ tire onkom jimạkoa?” Probhu Isore roṛ ruạṛkeda, “Do calakʼme, iń do amakʼ tireń jimạkoa.”