1 Samuel 23:26 - সান্তালী বাইবেল

²⁶ Sạul do buru niạ aṛeteye calaoena ar Dạud do acʼren hoṛkoante buru hanasa aṛeteye calaoena. Onko do Sạul ṭhen khon dạṛ paskaokʼ lạgitʼko akbakao baṛaekan tahẽkana. Sạul do Dạud ar uniren hoṛkoe khudạu tiyokʼ ạguiyetʼko tahẽkana.

1 Samuel 23:26 Referans Kwoze

Johan sodor 20:9

Unreń ńelkeda, onko do samaṅ secʼ senkate Isorren hoṛkoakʼ tahen jaega ar uniyakʼ ona dulạṛiạ nagrahako esetʼ ạcurkeda. Menkhan serma khon seṅgel pheḍ hecʼente onko doe atar cabaketʼkoa.

2 Korinthiko 1:8

Ạsiạ Prodesre ale do oka santaorele paṛaolen, asjoṅ kanale ape hõ ona jemonpe baḍae daṛeakʼ. Onḍe do sahao daṛeakʼ khon hõ bạ̃ṛti caprele paṛaolena, ar bańcaokʼ reakʼ asge baṅ tahẽkantalea.

Sereńko 31:22

Iń do botorteń menleda, “Am ṭhen khon iń doń begar akana.” Menkhan goṛo ńam lạgitʼ tinreń hohowatʼmea unre am do ińakʼ nehõrrem ańjomketʼtińạ.

Sereńko 22:16

Iń beṛhaete bạṛicʼakʼko kạmikan phạdko do seta lekako esetʼ ạcur akadińạ; onko do ińakʼ ti jaṅgako pạṭi tapʼ akatʼtińạ.

Sereńko 22:12

Iń beṛhaete sanḍ ḍaṅgra menakʼkoa; onko do Bashan disạmren daṛean bayarko lekako esetʼ ạcur akadińạ.

Sereńko 17:11

Onko do ńitokʼ aleko esetʼ ạcur akatʼlea, jãhã secʼ calakʼ reakʼ horge bạnukʼtalea. Onko do ale cetanre nońjorko dohoakada jemon otreko tawakʼ bhindạṛ daṛeale.

2 Bõsbudạ 20:12

E aleren Isor, am do cetʼ bam bicạrkoa? Noko maraṅ lạṛhại phạdko teṅgo daramko lạgitʼ daṛe aleakʼ do bạnukʼ talea. Ar cetʼle cekaya ona hõ bale baḍaea, menkhan eken am secʼgele koyokʼ hor akada.”

2 Samuel 15:14

Unre Dạud do Jerusalemre acʼren okoeko kạmiyạ hoṛko tahẽkan onkoe metatʼkoa, “Dela, abon do nonḍe khon bon dạṛa. Ar baṅkhan okoehõ Absalomakʼ ti khon rukhiyạ do bako ńama. Abo do ńitge oḍok calakʼ hoyokʼtabona, ente usạrage ruạṛ hecʼkate uni do muhinreye paṛao oco bona ar nagraharen sanam hoṛkoe marao cabakoa.”

1 Samuel 20:38

Ona tayom uni do ãṭ aṛaṅteye menkeda, “Usạra ńir calakʼme, alom thirokʼa.” Ar koṛa do sar halaṅkate acʼren kisạ̃ṛ ṭhene ruạṛ hecʼena.

1 Samuel 19:12

Onate Mikal do jalna secʼte latarte Dạude pheḍ gotʼkadea ar uni doe dạṛ bańcaoena.

Bikʼcạrko 16:2

Gasaren hoṛko do Samson onḍeye sen akana menteko ańjomketʼ khan ona jaegako gherao ạcurkeda ar goṭa ńindạ nagraha reakʼ phaṭok duạr ṭhen uni lạgitʼko tãṛãkʼ tahẽyena. Ar onko do ńindạ jokhecʼ thir hapeko tahẽyenteko menkeda, “Setakʼlen khange uni dobon gojea.”

1 Samuel 23:25

Sạul ar uniren hoṛ do Dạud sendrayeko ehopʼena. Ar Dạud do ona khobor ańjomkate onḍe khon Maon hahaṅkar reakʼ huṭupʼ dhiri cạṭạnite senkateye tahẽyena. Ar Sạul do ona khobore ńamketʼ khan Dạude khudạukedea.

1 Samuel 23:27

Ar inạkʼ khange mitʼṭen hoṛ do Sạul ṭhen hecʼenteye menkeda, “Philisṭiko do disạmre jhãpko emakada, onate usạrate ruạṛ calakʼme.”