1 Samuel 23:10 - সান্তালী বাইবেল

¹⁰ Ar unreye menkeda, “E Israelkoren Probhu Isor, iń amren golam do khạṭitegeń baḍaekana, Sạul do iń iạte Kayila nagraha ujạṛ lạgitʼ nonḍe hijukʼe monejoṅ kana.

1 Samuel 23:10 Referans Kwoze

Kạhtukko 28:15

Hạnḍrạukʼka dhạcri kul ar ghis ghisạu baṛaekan bana cetʼleka, onkage uni bạṛicʼ hoṛ do one okoe nandankoren cakʼlaoicʼe hoyokʼkan.

Ester 3:6

Ar Mordekayakʼ jạt reaṅe baḍaeketʼ khan uni goje do huḍiń bisoegeye metatʼa. Ona bodolte uni do mitʼṭecʼ pontha sendraye ehopʼena jemon Ahasberosakʼ goṭa rajosṭi khon Mordekairen hoṛko, metakʼme Jihudikoe marao cabako.

1 Samuel 23:8

Ar Sạul do Kayilare senkate Dạud ar uniren hoṛ gherao esetʼko lạgitʼ acʼren sanam lạṛhại phạdkoe hoho jarwaketʼkoa.

1 Samuel 22:19

Ona tayom uni do naekekoakʼ ato Nob do tarwaṛeteye ńẽtʼkeda ar onaren herel hoponko, maejiuko, ńir keṭecʼ gidrạko, bale gidrạko, gadhako, ḍaṅgrako, bhiḍiko sudhạ tarwaṛeteye gocʼ cabaketʼkoa.

Genesis 18:24

Nagrahare jodi mõṛẽgel dhorom hoṛko tahen enḍekhan onko mõṛẽgel iạte cetʼ goṭa nagraha bam moneyakʼte onam marao giḍikakʼa?

1 Samuel 23:9

Dạud do tinreye baḍaekeda, Sạul do uni upạrteye soṛojontro kana unre uni do naeke Abiathare metadea, “Amakʼ ephod nonḍe ạguiyme.”

1 Samuel 23:11

Kayilaren hoṛ do cetʼ uniyakʼ tireko soprotińạ? Ar okań ańjomakatʼ onkage cetʼ Sạul do nonḍe sạrigeye hijukʼa? E Israelren Probhu Isor, iń amren golam lạiyạńme baṛe. Probhu Isore menkeda, “Hẽ, uni doe hijukʼgea.”