1 Samuel 22:8 - সান্তালী বাইবেল

⁸ Ape do iń upạrtepe soṛojontro akada ar Jisạiren hopon sãote ińren hopon okae bondobos akatʼ ona do okoehõ bape baḍae ocoakadińa. Ińren hopon do teheń ińren guti iń upạrte tãṛãgokʼ lạgitʼe uskurkedea ar ona katha hõ bape baḍae ocoakadińa se iń lạgitʼ okoe hõ duk do bạnukʼtapea.”

1 Samuel 22:8 Referans Kwoze

1 Samuel 18:3

Jonathan do acʼakʼ jiwi leka Dạude dulạṛkedete uni tulucʼ mitʼṭecʼe bondoboskeda.

1 Samuel 23:21

Sạule roṛ ruạṛatʼkoa, “Probhu Isor do apeye bhorapema, ente iń lạgitʼ ape do mãyã menakʼtapea.

Jobakʼ 33:16

Unre uni do luture jhicʼetʼtakoa are cehaoetʼkote uni doe botor ocoyetʼkoa,

1 Samuel 20:42

Jonathan do Dạude metadea, “Aben do nirạite calakʼben, ente alaṅ do Probhu Isor ńutumte kiriạkate laṅ men akada, ‘Aben ar ạliń talare ar aben ar ạlińren bõsko talare jaejugren goha do Probhu Isorgeye tahẽyena.’ ” Inạ tayom Dạud do bidại hataokeda ar Jonathan do nagrahateye ruạṛ calaoena.

1 Samuel 20:8

Onate aben do ńitokʼ ạlińre dayakʼben, ente Probhu Isor samaṅre aben do mitʼṭecʼ bondobos ben dohoakada. Ar ạliń liń dos akatʼ khan tobe do abenge gocʼliń ben, abenren babawakʼ tire jimạliń reakʼ cetʼ jãhãn jạruṛ menakʼa.?”

1 Samuel 20:2

Jonathane menkeda, “Tishõ baṅa, aben do baben gocʼ ocokʼa. Ńelben, ạlińren baba do huḍiń ar maraṅ jãhãn kạmige ạliń ạuriye baḍae ocoliń hạbicʼ bae kạmikana. Enḍekhan niạ katha do ạliń ṭhen khon cedakʼe danaṅa? Noa do baṅ hoedaṛeakʼa.”

1 Samuel 22:13

Sạul do uniye metadea, “Am ar Jisạiren hopon aben do iń upạrte cedakʼ ben soṛojontrokeda? Iń upạrte tãṛãkʼkate jemone hul daṛeakʼ onate am do piṭhạ ar tarwaṛem emadea ar unire Isorakʼ sana do cetʼ kana mente ona hõm kuliyana.”

1 Samuel 18:1

Sạul tulucʼ Dạudakʼ galmaro mucạtʼen khan Jonathanakʼ jiwi do Dạudakʼ jiwi tulucʼ tolentaea. Onate Jonathan do acʼakʼ jiwi leka Dạude dulạṛkedea.

2 Rapajko 6:11

Onate Aramren raj do ạḍiye raṅgaoena. Uni do acʼren subedarko hohoatʼkoteye metatʼkoa, “Ma lạipe, abo talare Israelren raj secʼ do okoe menaea?”