1 Samuel 22:6 - সান্তালী বাইবেল

⁶ Sạule do Dạud ar uni sãotenkoakʼ khobor ńam akana menteye baḍaekeda. Unre uni do Gibea nagrahare buru coṭ reakʼ mitʼṭecʼ jhãwãr dare buṭạreye duṛupʼ akan tahẽkana. Unre uniyakʼ tire do borlom tahẽkana ar uniren sanam kạmiyạ hoṛ do uni beṛhaeteko teṅgo akan tahẽkana.

1 Samuel 22:6 Referans Kwoze

1 Samuel 20:33

Unre Sạul do Jonathan goje lạgitʼ borlome sohoradea. Ar onate Jonathan doe bujhạukeda, acʼren apat do Dạud goje reakʼe ṭhik dohoakada.

1 Samuel 19:9

Ar Probhu Isor ṭhen khon mitʼṭen bạṛicʼ jiu do Sạul cetanre hecʼkateye decʼena. Unre Sạul do acʼakʼ oṛakʼreye duṛupʼ akan tahẽkana ar uniyakʼ tire do mitʼṭecʼ borlom tahẽkana, ar Dạud do peṛesaṅe banametʼ tahẽkana.

1 Samuel 18:10

Dosar hilokʼ Isor ṭhen khon mitʼṭen bạṛicʼ jiu do hecʼkate Sạul cetanreye jãpaṛena. Onate uni do acʼakʼ oṛakʼre bhitrireye chaṭ paṭao baṛaekan tahẽkana. Ar Dạud do eṭakʼ dinko leka uni samaṅre peṛesaṅ baname ehopʼena. Unre Sạulakʼ tire mitʼṭecʼ borlom tahẽkana.

Bikʼcạrko 4:5

Uni do Ephrayem buru ṭoṭhako reakʼ Rama ar Bethel tala reakʼ mitʼṭecʼ khijur dare buṭạreye duṛupʼkan tahẽkana, ar Israelko do akoakʼ jhogṛa emanko miṭmaṭ lạgitʼ uni ṭhenko hijukʼkan tahẽkana.

Genesis 21:33

Abraham do Ber-Sebare Probhu Isor, metakʼme okoe do etohopʼ ar ses bạnukʼtae uni Isore sewawadea. Ar onḍe do mitʼṭecʼ jhão dareye rohoekeda.

1 Samuel 14:2

Unre Sạul do Gibea simạna reakʼ Migron ńutumanakʼ mitʼṭecʼ jaegare ḍạlim dare buṭạreye duṛupʼ akan tahẽkana. Ar uni sãote turui sae hoṛko tahẽkana,

1 Samuel 31:13

Ona tayom onko do onkoakʼ jaṅko hataokate onḍenakʼ mitʼṭecʼ hesel dare buṭạreko topakada ar eae mãhã hạbicʼko upạskeda.