1 Samuel 22:23 - সান্তালী বাইবেল

²³ Am do iń ṭhenge tahenme, alom botorokʼa. Ar okoe amakʼ jiwi hatao lạgitʼe kurumuṭuletʼ uni do ińakʼ jiwi hatao lạgitʼ hõe kurumuṭu kana. Am do iń ṭhen nirạitem tahẽdaṛeakʼa.”

1 Samuel 22:23 Referans Kwoze

1 Rapajko 2:26

Ona tayom raj do Abiạthare metadea, “Am do amakʼ jaega Anatholte ruạṛ calakʼme. Am do gocʼ ocokʼ lek kanam, menkhan ńitokʼ do bạń gocʼmea, ente ińren ạpuń Dạud oktere Probhu Isorakʼ sindukem gokʼ ạguleda ar iń ạpuńakʼ sanamakʼ duk ar kosṭoren bhạgiyạdarem hoylena.”

Johan 18:9

Noa do hoyena Jisui menletʼ katha jemon purạukʼ, “Okoekom emakawạdiń onko modre mitʼ hoṛ hõ bạń atʼakadea.”

Johan 15:20

Ińakʼ noa katha do alope hiṛińa, guti do acʼren kisạ̃ṛ khon bae maraṅa. Onate hoṛko iń gojeńko kurumuṭuyetʼ khan ape hõko onkapea; ar ińakʼ kathako ańjom khan apeakʼ katha hõko ańjoma.

Johan 17:12

Iń do tinạkʼ din onko sãoreń tahẽkan unạkʼ din amakʼ oka ńutumem emakawạdiń ona ńutumteń rukhiyạ ạguakatʼkoa. Iń doń horho akatʼkoa ar onko mod khon okoe hõ bako nosṭo akana. Eken okoeyakʼ nosṭokʼ reakʼ katha tahẽkan unigeye nosṭo akana, jemon sonot sostor reakʼ katha purạukʼ.

Mathae 24:9

“Unre santaope lạgitʼko soprotʼpea arko gocʼpea. Iń iạte sanam hoṛko hirkhạwapea.

1 Rapajko 1:7

Adoniạ do Seruạren hopon Joab ar naeke Abiạthar sãoteye solhakeda, ar unkin do unikin goṛowadea.

1 Samuel 23:17

Jonathane menkeda, “Aloben botorokʼa; ạlińren baba Sạulakʼ tire do baben sapʼ ocokʼa. Aben do Israel disạmren rajben hoyokʼa, ar ạliń do abenren dosaricʼge. Ạlińren baba hõ niạ katha doe baḍaegea.”

2 Samuel 9:7

Dạud do uniye metadea, “Alom botorokʼa. Iń do amren ạpum Jonathan khạtirte khạṭige dayań udukʼama. Amren goṛomme haṛam Sạulakʼ sanamakʼ jaega jumiń ruạṛama, ar am do jao ghuṛi ińakʼ ṭebilrem jom ńũiya.”