1 Samuel 22:19 - সান্তালী বাইবেল

¹⁹ Ona tayom uni do naekekoakʼ ato Nob do tarwaṛeteye ńẽtʼkeda ar onaren herel hoponko, maejiuko, ńir keṭecʼ gidrạko, bale gidrạko, gadhako, ḍaṅgrako, bhiḍiko sudhạ tarwaṛeteye gocʼ cabaketʼkoa.

1 Samuel 22:19 Referans Kwoze

1 Samuel 15:3

Ńitokʼ am do senkate Amalekiko tulucʼ lạṛhạime ar onkoakʼ cetʼko menakʼ ona jotowakʼem marao giḍikatakoa; onko do alom dayawakoa. Onkoren herel ar maejiuko, koṛa ar-kuṛi gidrạko, toa ńuńukan gidrạko, ḍaṅgra-biḍhiko, ũṭko, gadhako jotom gocʼ cabakoa.’ ”

Jakob 2:13

ente okoe bae daya akan, bicạrre uni hõ daya do bae ńama. Bicạr cetanre daya doe jitạukʼa.

Hosea 10:14

ona iạte ape upạrte lạṛhại reakʼ kạumạu rakapʼa ar apeakʼ sanam gaṛko do marao ocokʼa, cetʼleka Solomon do lạṛhại hilokʼ Beth-Arbele maraoletʼ. Unre hopon ar hoponerako sãote eṅgatko hõ otreko tawakʼ ocolena.

Jesaea 10:32

Teheń Ạsurrenko do Nobre senkateko thirokʼa; onko do Sion kuṛiyakʼ buru secʼ, metakʼme Jerusalem buru secʼ muṭko epel akatʼtakoa.

Nehemiạ 11:32

Anathot, Nob ar Anania,

1 Samuel 22:11

Niạ katha ańjomkate Sạul raj do Ahiṭubren hopon naeke Ahimelek ar uniren apatakʼ bõsren hoṛko, metakʼme Nobren joto naekeko hoho ạguko lạgitʼ hoṛe kolketʼkoa. Ar onko joto do raj ṭhenko hecʼena.

1 Samuel 22:9

Edomren hoṛ Doeg do unre Sạulren kạmiyạko sorregeye tahẽkana. Uni doe menkeda, “Iń do Jisạiren hopon Nob atore Ahiṭubren hopon Ahimelek ṭhen senokʼ iń ńelakadea.

1 Samuel 21:1

Ona tayom Dạud do Nob atore naeke Ahimelek ṭhene senena. Unre Ahimelek do botorte thar tharaokʼ tulucʼ Dạud samaṅreye oḍok hecʼena. Uni do Dạude kulikedea, “Cedakʼ eskar do menama? Ar am sãote cedakʼ eṭakʼko do bạnukʼkoa?”

1 Samuel 15:9

Menkhan Sạul ar uniren lạṛhại phạdko do Og jiwetʼko dohokedea ar Amalekikoren mońj mońj ḍaṅgrako, bheḍako, bạchurko ar bheḍa hoponko, metakʼme cetʼko bhageakʼ tahẽkan ona joto doko dohoana. Onako marao giḍikakʼ do bako rạjilena, menkhan okạjwạ ar rogako doko marao giḍikatʼkoa.

Josuạ 6:21

Onko do khanḍa banḍawante herel ar maejiuko, gidrạ ar haṛam buḍhiko, ḍaṅgrako, bhiḍiko, gadhako ar eṭakʼ sanam jiwiyankoko marao cabaketʼkoa.

Josuạ 6:17

Nagraha ar ona bhitri reakʼ sanamakʼge Probhu Isor ńutumte sarapakʼ ar nosṭokʼ lạgitʼ hoyokʼa. Eken Rahab kusumbi ar uni oṛakʼren okoeko menakʼko onko moto jiwetʼko tahena, ente abonren disạm cikʼyạkin hoṛe oko doholetʼkinạ.

Mathae 21:16

Ar noako ńelteko ạṛisente onko do Jisuko metadea, “Onkoko menetʼkan ona do cetʼem ańjometʼgea?” Jisui metatʼkoa, “Hẽ, ańjometʼ kangeạń. Menkhan Sostorre cetʼ tishõ bape paṛhao akada: Bale gidrạko ar toa nunuko reakʼ moca khon, am do apnar lạgitʼ sarhaoem tear sạbitana?”

1 Samuel 15:8

Amalekikoren Og raj do jiwetʼteye sapʼkedea ar eṭakʼ sanam hoṛko doe marao cabaketʼkoa.