1 Samuel 22:17 - সান্তালী বাইবেল

¹⁷ Ona tayom raj do acʼ aṛere teṅgo akan lạṛhại phạdkoe metatʼkoa, “Ape do senkate Probhu Isorren noko naekeko gocʼ giḍikakope. Noko doko Dạud secʼ akana. Arko baḍaekan tahẽkana, Dạud doe dạṛeda, enhõ onko do ona katha bako baḍae ocoledińa.” Menkhan rajren kạmiyạko do Probhu Isorren naekeko cetanre ti rakabtako do bako rạjilena.

1 Samuel 22:17 Referans Kwoze

Exodus 1:17

Menkhan unkin dhạ̃i buḍhi do Isor kin botoraekan tahẽkana. Onate unkin do Misor rajakʼ hukum leka kạmi baṅkate koṛa hoponko jiwetʼkin dohoketʼkoa.

1 Samuel 14:45

Menkhan hoṛko do Sạulko metadea, “Okoe iạte Israelko niạ maraṅ bańcaoko ńamakatʼ uni Jonathan do cetʼ gujukʼ hoyokʼtea? Tisge baṅa; jiwetʼ Isor ńutumtele kiriạkʼ kana, uniyakʼ mitʼṭecʼ upʼ hõ otre do baṅ ńurokʼtaea, ente uni teheń okae ceka akatʼ ona do Isor sãote tahẽkategeye onka akada.” Nonkate hoṛko do Jonathanko rukhiyạkedea, ar uni do bae gocʼ ocolena.

Aposkạmi 4:19

Patras ar Johan dokin roṛ ruạṛkeda, “Apeakʼ hukum liń manaoa se Isorakʼ hukumko liń senakʼa? Isorakʼ mẽtʼãhã samaṅre okaṭakʼ ṭhika, ona do apege bicạrpe.

2 Rapajko 10:25

Jihu do jeredokʼ samaṅokʼakʼ porobe sạtketʼ sãote pahradarko ar subedarkoko hukumkeda, “Bhitrite bolokʼpe ar onko gocʼ cabakope; mitʼ hoṛhõ jemon aloko dạṛ daṛeakʼ.” Unre onko do tarwaṛete onkoko gocʼketʼkoa. Pahradar ar subedarko do mundil bahrete mạ̃ṛĩkoko giḍi baṛakatʼte bhitri oṛakʼteko boloyena.

1 Rapajko 18:4

Isebel do tinre Probhu Isorren nạbikoe gocʼetʼko tahẽkana unre Obediạ do mitʼsae nạbiko mõṛẽgel mõṛẽgelkate barea danderreye oko doholetʼkoa. Uni do onko lạgitʼ jomakʼ ar dakʼ hõe bebostayetʼ tahẽkana.

1 Rapajko 1:5

Hagit hopon Adoniạ do acʼte usulokʼte roṛ baṛaeye ehopʼena, “Ińge rajiń hoyokʼa.” Ar noa menkate uni do rãt gạḍiko ar aswarikoe jogaṛketʼkoa ar acʼ laha lahate calakʼ lạgitʼ mõṛẽgel hoṛe bachaoana.

2 Samuel 15:1

Noa tayom Absalom do acʼ apnar lạgitʼ rãt gạḍi ar sadomkoe jogaṛketʼkoa ar acʼ laha lahate calakʼ lạgitʼ mõṛẽgel hoṛe bahalketʼkoa.

1 Samuel 25:17

Ado ma hudisme am do ńitokʼ cetʼem cekaea, ente aleren kisạ̃ṛ ar uniren sanam hoṛko cetanre bạṛicʼakʼ do niṭ akana. Menkhan aboren kisạ̃ṛ do mitʼṭen bodmejaji hoṛ kanae, uni do okoeyakʼ kathage bae ańjoma.

1 Samuel 22:13

Sạul do uniye metadea, “Am ar Jisạiren hopon aben do iń upạrte cedakʼ ben soṛojontrokeda? Iń upạrte tãṛãkʼkate jemone hul daṛeakʼ onate am do piṭhạ ar tarwaṛem emadea ar unire Isorakʼ sana do cetʼ kana mente ona hõm kuliyana.”

1 Samuel 20:33

Unre Sạul do Jonathan goje lạgitʼ borlome sohoradea. Ar onate Jonathan doe bujhạukeda, acʼren apat do Dạud goje reakʼe ṭhik dohoakada.

1 Samuel 8:11

Uniye menkeda, “Okoe do raj lekate ape cetanreye rajokʼ uniyakʼ beohar do nonka hoyokʼtaea; uni do aperen hoponko lạṛhại phạdko lekate kạmireye lagaokoa; onko modren adomko do rãt gạḍi cakʼlaokoko hoyokʼa, ar adomko do aswariko hoyokʼa ar adomko do rãt gạḍi laha lahateko dạṛ idiya.

1 Samuel 2:31

Ńelme, okte hijukʼ kana tinre amren bõsko ar amren hapṛamkoakʼ bõsren hoṛkoakʼ daṛe nonkań maraotakoa, amren bõsko do mitʼṭen hõ haṛam umer hạbicʼ bako bańcaokʼa.

1 Samuel 22:16

Menkhan raje menkeda, “E Ahimelek, am ar ạpumakʼ bõsren sanam hoṛ do khạtige gujukʼ hoyokʼtapea.”

1 Rapajko 14:27

Onate Rehobiam raj do onako bodolte rupạ reakʼ ḍhalkoe benao ocokeda. Ar raj dolan reakʼ duạr ṭhen okoe lạṛhại phạdko horhoyetʼ tahẽkan onkoren senaputi ṭhen onako rukhiyại lạgitʼ bhare emkeda.