1 Samuel 22:15 - সান্তালী বাইবেল

¹⁵ Iń do cetʼ pạhil dhao enhilokʼge uni reaṅ Isorakʼ sana cetʼkana menteń kuliakawana? Tishõ baṅa. E maharaj, amren uni guti se uniren apatakʼ bõsren hoṛko hõ alom dusikoa. Niạko babotre amren nui guti do cetʼge bae baḍaea.”

1 Samuel 22:15 Referans Kwoze

1 Samuel 25:36

Abigael do Nabal ṭhen tinreye ruạṛ calaoena unre raj oṛakʼre leka uniyakʼ oṛakʼre kheloḍ ehopʼ akane ńelkeda. Unre Nabal do bubulakʼ ńũkateye kusiyena ar ạḍiye ńũ bulena. Ona iạte Abigael do ạuri setagokʼ hạbicʼ cetʼge bae metadea.

2 Korinthiko 1:12

Ale oka lạgitʼle sarhaokʼkan ona do noage, aleakʼ bibek do noa gohae emeda je, Isor reakʼ sonot ar soṛatetʼ iạte ale do sanam manwako talare, bạ̃ṛtikaete ape talare jionle khemao akada. Ar ona jion do jel reakʼ akelte do baṅ bickom Isorakʼ daya reakʼ ạyurtele khemao akada.

2 Samuel 15:11

Unre Jerusalem khon barsae hoṛ do Absalom sãoteko calaoena. Onko do peṛa lekateko idi ocolena ar jãhãnakʼ begor baḍaekate soṛa montege soṅgeteko senlena.

1 Samuel 22:16

Menkhan raje menkeda, “E Ahimelek, am ar ạpumakʼ bõsren sanam hoṛ do khạtige gujukʼ hoyokʼtapea.”

2 Samuel 5:19

Unre Dạud do Probhu Isor ṭhene kuliyana, “Iń do cetʼ Philisṭikoń ńẽtʼkoa? Am do cetʼ ińakʼ tire onkom jimạkoa?” Probhu Isore roṛ ruạṛkeda, “Hẽ, Do calakʼme. Iń do khạṭige amakʼ tire Philisṭikoń soprotkoa.”

2 Samuel 5:23

Unre Dạud do Probhu Isore kulikede khan uni doe metadea, “Mitʼ mohnḍa onko secʼ do alom calakʼa; menkhan onko tayom secʼ reakʼ konḍea dareko samaṅ secʼte onkom ńẽtʼkoa.

2 Samuel 19:18

Rajakʼ gharońjren sanamko ạguko lạgitʼ ar rajakʼ sanaleka kạmi lạgitʼ onko do taṛamte paromokʼ jaega ṭhen gaḍako paromena. Ar raj do tinre jordan gaḍae paromokʼa ṭhik unrege Gera hopon Simai do hecʼkate raj samaṅre ombakʼenteye menkeda,

2 Samuel 19:19

“Ińren mạlik do ińakʼ dos alo baṛeye sabtińma. Ińren kisạ̃ṛ maharaj do oka hilokʼ Jerusaleme bạgi oṭoatʼ enhilokʼ amren guti okań behokletʼ ona do alo baṛem disạitiń ma. Maharaj do mon khon jemon onae sạṅgiń giḍikakʼ.