1 Samuel 21:11 - সান্তালী বাইবেল

¹¹ Menkhan Akisren hoṛ do Akisko metadea, “Nuige baṅ disạmren raj do? Nui reaṅge cetʼ hoṛko do enecʼ sereńateko menleda, ‘Sạul doe gocʼketʼkoa hajar hajar Dạud doe gocʼketʼkoa ojut ojut?’ ”

1 Samuel 21:11 Referans Kwoze

1 Samuel 29:5

Nui do cetʼ uni Dạud doe baṅkana, one uni babotre enecʼateko sereńletʼ, ‘Sạul doe gocʼketʼkoa hajar hajar ar Dạud doe gocʼketʼkoa ojut ojut?”

1 Samuel 16:1

Probhu Isor do Sạmuele metadea, “Sạul do Israelkoren raj mente doń nihạ̃t giḍiakadea, onate am do ar tinạkʼ din uni lạgitʼem dukokʼa? Am do ńitokʼ dereńre sunum hataokate oḍokokʼme. Ente iń do Bethlehem atoren Jisại ṭheniń kolmea. Uniren hoponko mod khon iń ńutumte mitʼṭen raj hoyokʼ lạgitʼ iń bachao dohoakadea.”

1 Samuel 19:18

Ar Dạud doe dạṛketʼte jiwiye bańcaoketʼtaea. Uni do Ramare Sạmuel ṭhene senena ar acʼ upạrte Sạul okakoe ceka akatʼ ona jotowakʼe baḍae ocokedea. Ona tayom Dạud ar Sạmuel do Nayot burure senkate girobasokʼ kin ehopʼena.

1 Samuel 27:1

Dạud do mone monteye hudiskeda, “Iń do Sạulakʼ tirege mitʼdin gujukʼ hoyokʼtińạ, onate Philisṭikoakʼ disạmtege dạṛ pharakokʼ bhage hoyokʼ tińạ. Enḍekhan Israel disạmre uni do ar bae sendra baṛayińạ, ar iń hõ uniyakʼ ti khon rukhiyạń ńama.”

1 Samuel 27:2

Niạ hudiskate Dạud do acʼ sãoten turui sae hoṛ soṅgekate ona ṭhạ̃iye bạgiyatʼte Maokren hopon Akis ṭhenko parom calaoena. Akis do Gatren raje tahẽkana.

Sereńko 34:1

Iń do sanam okte Probhu Isoriń sarhaoea; ińakʼ mocare uniyakʼ sereń do mitʼtalaoge tahena.