1 Samuel 20:32 - সান্তালী বাইবেল

³² Jonathan do acʼren apattetʼe metadea, “Uni do cedakʼ gujukʼ hoyokʼtaea? Uni do cetʼe ceka akatʼte?”

1 Samuel 20:32 Referans Kwoze

Mathae 27:23

Pilạte metatʼkoa, “Cedakʼ, cetʼe dos akatʼte?” Menkhan onko do arhõ ãṭ aṛaṅte hohoate memenko ehopʼena, “Uni do kuruskae me.”

1 Samuel 19:5

Uni do acʼakʼ jiwi cuputʼkate uni Philisṭi hoṛe gocʼkedea, ar Probhu Isor do goṭa Israel lạgitʼ maraṅ bańcaoe hoeocokeda; ar ona ńelte am dom kusilena. Enḍekhan ńitokʼ do cedakʼ ạuṛiyakʼte Dạud gojete mitʼṭen bindusi hoṛakʼ mãyãm joro ocoyte uni upạrtem kạiya.”

Luk 23:22

Pilạt do tesar dhao arhõ hoṛkoe metatʼkoa, “Cedakʼ, nui do cetʼe dos akada? Iń do uniyakʼ jãhãn dosge bạń ńeletʼtaea, one onate gujukʼ sạjại iń emdaṛeke. Onate sạjại emkateń aṛakʼgotʼkaea.”

Genesis 31:36

Unre Jakob do raṅgaoente ãṭ aṛaṅteye menkeda, “Ạliń do cetʼ liń dos akada, ar cetʼ liń behok akatʼte nonka ben khudạu ạguketʼlińa?

Johan 7:51

Uni doe metatʼkoa, “Jãhãe hoṛakʼ moca katha begor ańjomte ar cetʼe ceka kana begor baḍaete sạjại emae do cetʼ aboakʼ ạnre menakʼgea?”

Jirimiạ 17:9

“Mon do sanamakʼ khon ṭhokgea, ona do oka lekate hõ baṅ bogekʼa. Manwa ontor do okoe hõ bae bujhạu daṛeakʼa.

Sosolhayic̕ 9:3

Siń cando latarre okako hoyokʼkan ona modre duk reakʼ do hoyokʼkana, sanamko inạ mitʼ dosage hoyokʼtakoa. Ona chaḍa manwa ontor do dukte perecʼgea ar jiwetʼe tahen bhor uniyakʼ ontorre do khepatetʼ tahena, ar ona tayom uni doe gujukʼa.

Sosolhayic̕ 7:9

Amakʼ mon do alom kạhĩs ocoytama, ente kạhĩs do bebujkoakʼ koṛamre gạḍiạu akan tahena.

Kạhtukko 22:24

Ṭheṭa hoṛ sãote do alogem gatekʼa; ar okoe usạrateye raṅgao hodokʼ uni sãote hõ alom soṅgekʼa.

1 Samuel 20:7

ente, onḍe do onkoren bõskoakʼ bochor reakʼ janwar samaṅokʼakʼ porob hoyokʼkana.’ Uniye menle khan, ‘Bhagegea,’ enḍekhan abenren golam doliń khạtirgea; menkhan uniye raṅgao botejokʼ enḍekhan baḍae ben, ạliń lạgitʼ bạṛicʼakʼ doe ṭhik dohoakada.

1 Samuel 18:11

Uni do mone moneteye menkeda, “Dạud do bhitreń sobokʼ jaladea.” Ar niạ menkate borlome sohoradea, menkhan Dạud do bar dom uni samaṅ khone aḍena.

1 Samuel 19:4

Jonathan do acʼren apat Sạul ṭhen Dạude sarhaokedea, are menkeda, “E maharaj, amren golam Dạud upạrte jãhãnakʼ do alogem cekaea. Am upạrte uni ma jãhãnakʼ bacoṅe kại akatʼ, bickom uni okae ceka akatʼ onate ḍhergem upkạr akana.

1 Samuel 22:14

Ahimelek do raj roṛ ruạṛadeteye metadea, “E maharaj, amren sanam kạmiyạko khon amren jãwãe gomkem Dạud leka pạtiạr do ar okoe menaea? Uni do amren pahra khataren mukhiyạ kanae ar amakʼ gharońj talaren hõ mitʼṭen manoticʼge.

1 Samuel 20:1

Ona tayom Dạud do Rama reakʼ Nayot khone dạṛketʼte Jonathan ṭhene senena ar uniye kulikedea, “Ạliń do cetʼ liń ceka akada? Ar ạlińakʼ dos baṅ cetʼkan? Abenren baba upạrte cetʼ liń kại akatʼte, uni do gocʼ liń lạgitʼe kurumuṭu kana?”