1 Samuel 20:27 - সান্তালী বাইবেল

²⁷ Dosar hilokʼ, metakʼme molok cando porob reakʼ dosar hilokʼ hõ Dạudakʼ ṭhạ̃i do khạlige tahẽyena. Unre Sạul do acʼren hopon Jonathane kulikedea, “Jisạiren hopon do cedakʼ jojom bae hecʼlena? Hola hõ bae hecʼlena, ar teheń hõ baṅ.”

1 Samuel 20:27 Referans Kwoze

1 Patras 2:4

Nonkan mitʼṭecʼ jiwetʼ dhiri menakʼa one okaṭakʼ do Isore bachao akawan ar one okaṭakʼ do uniyakʼ mẽtʼre ạḍi damanakʼkan, menkhan hoṛko do uniko neṅghao akadea. Mạsigeye hoyokʼ kana ona dhiri do;

Mathae 13:55

Nui do cetʼ kaṭmistiriren hopon doe baṅkana? Uniren eṅgat do cetʼ Mạriạm doe baṅkana? Ar uniren boehako do cetʼ Jakob, Joseph, Simon ar Jihudạ, doko baṅkana?

1 Samuel 25:10

Nabal do Dạudren hoṛkoe roṛ ruạṛatʼkoa, “Okoe kanae Dạud do? Ar Jisạiren hopon baṅe cele kan? Nebetar do ḍher gutikoge akoren kisạ̃ṛ bạgikateko calakʼ kana.

1 Samuel 19:15

Noa khobor ańjomkate Sạul do Dạud ńel ạguiye lạgitʼ onkoge arhõe kol dohṛaketʼkoteye metatʼkoa, “Aṭetʼ sudhạ Dạudpe kuṭuṅ ạguiyea; ar iń do uniń gojea.”

1 Samuel 18:11

Uni do mone moneteye menkeda, “Dạud do bhitreń sobokʼ jaladea.” Ar niạ menkate borlome sohoradea, menkhan Dạud do bar dom uni samaṅ khone aḍena.

1 Samuel 20:5

Dạude menkeda, “Ńelben, gapa do molokʼ cando kana. Ar raj sãote ạlińakʼ do jojom duṛupʼ reakʼ katha menakʼtạlińa. Menkhan aben do sen ocoạliń ben. Ạliń do meyaṅ ạyupʼ hạbicʼ ṭạnḍire oko akanliń tahena.

1 Samuel 20:26

Enhilokʼ Sạul do cetʼge bae menleda, enteye hudiskeda, hoedaṛeakʼa Dạud do jãhãnakʼ iạteye besapha akana; ar khạṭige uni do bae saphawa.

1 Samuel 20:28

Jonathane roṛ ruạṛkeda, “Dạud do Bethlehemte calakʼ lạgitʼ ạḍiye nehõrạdiń tahẽkana.