1 Samuel 20:16 - সান্তালী বাইবেল

¹⁶ Jonathan do unre Dạud ar uniren bõsko sãote mitʼṭecʼe bondoboskeda, “Probhu Isorge Dạudren bạiriko cetanreye hala hạliyma.”

1 Samuel 20:16 Referans Kwoze

1 Samuel 25:22

Isor do Dạudren bạiriko khạṭige cetʼlekae sạjạiko onkage ińhõ gapa setakʼ hạbicʼ Nabalakʼ oṛakʼren mitʼṭen herel hoṛ hõ jiwetʼ do bạń dohokoa.”

1 Samuel 18:3

Jonathan do acʼakʼ jiwi leka Dạude dulạṛkedete uni tulucʼ mitʼṭecʼe bondoboskeda.

2 Samuel 21:8

Unre raj do Aya hoponera Rispawakʼ kukhiren Sạulren banar hopon Armoni ar Mephiboset ar Sạul hoponerat Merabakʼ kukhiren Meholathi Barsilairen hopon Adiyelren mõṛẽ goṭen hoponko do Gibeonkoakʼ tireye soprotketʼkoa. Onko do mitʼṭecʼ buruteko idiketʼkote Probhu Isor samaṅreko gocʼketʼkoa ar sanamko samaṅre onkoakʼ mạ̃ṛĩko giḍikada. Onko eae hoṛ do mitʼ dhaoteko gocʼketʼkoa; phosol gegetʼ jokhecʼ, metakʼme jao gegetʼ ehobokʼre onko doko gocʼ ocoyena.

1 Samuel 31:2

Philisṭiko do Sạul ar uniren hoponko khudạu idiketʼkote Jonathan, Abinadab ar Malkisau tekoko gocʼketʼkoa.

Genesis 15:18

Probhu Isor do ona din Abram lạgitʼ noa menkate mitʼṭecʼ bondobose dohokeda, “Misor reakʼ gaḍa khon ehopʼkate maraṅ gaḍa phurạt hạbicʼ iń do goṭa disạmge amren bõskoń ematʼkoa.

Dosar Biboron 23:21

“Aperen Probhu Isor ṭhen jãhãnakʼge manot lạgitʼpe dohoy enḍekhan ona purạu lạgitʼ do alope biloma, ente aperen Probhu Isor do tishõ ona khon bae khalaspea. Ar onate ape do kạirepe paṛaokʼa.

1 Samuel 20:42

Jonathan do Dạude metadea, “Aben do nirạite calakʼben, ente alaṅ do Probhu Isor ńutumte kiriạkate laṅ men akada, ‘Aben ar ạliń talare ar aben ar ạlińren bõsko talare jaejugren goha do Probhu Isorgeye tahẽyena.’ ” Inạ tayom Dạud do bidại hataokeda ar Jonathan do nagrahateye ruạṛ calaoena.

1 Samuel 22:8

Ape do iń upạrtepe soṛojontro akada ar Jisạiren hopon sãote ińren hopon okae bondobos akatʼ ona do okoehõ bape baḍae ocoakadińa. Ińren hopon do teheń ińren guti iń upạrte tãṛãgokʼ lạgitʼe uskurkedea ar ona katha hõ bape baḍae ocoakadińa se iń lạgitʼ okoe hõ duk do bạnukʼtapea.”

Jirimiạ 40:9

Saphanren goṛomtetʼ koṛa, metakʼme Ahikamren hopon Gedaliạ do onko ar onkoren hoṛko ṭhen kiriạkate noa kathae metatʼkoa, “Babelrenko gobolre tahen do alope botorokʼa; disạmre girobasokʼpe ar Babel raj gobolre hijukʼpe, onate ape do bhage hoyokʼtapea.

Josuạ 22:23

Ar Probhu Isorakʼ hor khon ghańjeṛokʼ lạgitʼ ar jeredokʼ samaṅokʼakʼ, jomakʼ samaṅokʼakʼ se sulukren samaṅokʼakʼ samaṅ iạte apnar lạgitʼ niạ pinḍle benao akatʼ khan enḍekhan Probhu Isor do acʼgeye sạjạilema.

1 Samuel 23:18

Ar unkin bana hoṛ do Probhu Isor samaṅre mitʼṭecʼ bondobos kin dohokeda. Ar Jonathan do oṛakʼe ruạṛ calaoena menkhan Dạud do Horesregeye tahẽyena.

1 Samuel 25:26

“E ińren mạlik, jiwetʼ Probhu Isor ńutumte ar am ńutumteń kiriyạkʼ kana, amren bạiriko ar okoe do amakʼ loksan lạgitʼko kurumuṭui onkoakʼ dosa do Nabal leka hoyokʼtakoa, ente Probhu Isor do apnar tite hala hạli reakʼe akoṭ akatʼmea.