1 Samuel 20:13 - সান্তালী বাইবেল

¹³ Ar ạlińren baba abenakʼ bhạlại bae khoj ar ạliń bạliń baḍae ocoben ar nirạite bạliń kolben enḍekhan Probhu Isor do sạjạiye emalińma ona botor sạjạige. Probhu Isor do cetʼleka ạlińren baba sãoteye tahẽkan aben sãote hõ onkage baṛeye tahenma.

1 Samuel 20:13 Referans Kwoze

1 Bõsbudạ 22:11

“E beṭa, Probhu Isor do ńitokʼ am sãote baṛeye tahenma; jo bahakʼme ar Probhu Isorakʼ katha leka uni lạgitʼ mitʼṭecʼ oṛakʼ benaome.

1 Samuel 17:37

Dạud do arhõe menkeda, “Probhu Isor, okoe do dhạcri kul ar banako khone rukhiyạ akadiń, unige uni Philisṭi hoṛ khone rukhiyạyińạ.” Unre Sạul do Dạude metadea, “Enḍekhan do calakʼme, Probhu Isor do am sãoteye tahenma.”

Rut reakʼ kạhini 1:17

Ar aben okare ben gujukʼ ạliń hõ onḍege liń gujukʼa ar onḍege jemon ạlińakʼ topa hõ hoyokʼ. Gujukʼ chaḍa eṭakʼ jãhãnakʼ iạte laṅ begarokʼ enḍekhan Probhu Isor do jemon bạṛicʼ sạjạiye imạń.”

Josuạ 1:5

Ar tinạkʼ din jiwetʼem tahen celege am upạrte do ohoko teṅgo daṛelena. Cetʼleka Mose sãoteń tahẽkan onkage am sãote hõń tahena; iń do tishõ bạń bạgi giḍimea ar bạń alaemea.

1 Samuel 3:17

Eliye kulikedea, “Isor do cetʼe menakatʼ mea? Ar iń ṭhen ona do alom danaṅkakʼa. Uni okae menakatʼ ona reakʼ thoṛagan hõ iń ṭhenem danaṅ dohokakʼ enḍekhan uni do maraṅ sạjạiye emam ma.”

Philipiko lạgitʼ Pạul apostolakʼ ciṭhi 4:9

Ape do iń ṭhen khon okaṭakʼpe cetʼakatʼ ar bhage mentepe ataṅ akatʼ ar ińre okaṭakʼpe ńelakatʼ, ar ińakʼ mocate okaṭakʼpe ańjomakatʼ, onkage kạmipe. Enḍekhan sulukren Isor do ape tulucʼe tahena.

Mathae 28:20

Ar okakoń hukum akatʼpe onako doho cetʼakope. Ńelpe, jug mucạtʼ hạbicʼ iń do ape tulucʼ minạńa.

1 Rapajko 20:10

Benhadad do unre Ahab ṭhen niạ sombate kolkeda, “Ińren sanam hoṛko mimitʼ muṭkate emako leka dhuṛi hõ jodi Samariạre tahentam enḍekhan debotako do ińko sạjạyińma ar ona do ạḍi bạṛicʼ sạjạige.”

1 Rapajko 19:2

Ar Isebel do sanam katha ańjomkate hoṛ kolkate Eliạ ṭhene roṛ gotʼkada, “Gapa niạ okte bhitrite amakʼ jiwi onko hoṛkoakʼ leka bạń hoyocoe enḍekhan debotako jemon sạjạiko emạń ar ona do ạḍi bạṛicʼ sạjạige.”

2 Samuel 19:13

Ape do Amasa iń reakʼ niạ kathape metaea, ‘am do cetʼ ińakʼ jel ar jaṅ dom baṅ kana? Isorre kiriạkateń metam kana, ńit khon am do Joab bodolte ińren lạṛhại phạdkoren subedarem hoyokʼa.’ ”

2 Samuel 7:15

Menkhan ińakʼ dulạṛ do tishõ uni cetan khon bạń ocoga, cetʼleka Sạul cetan khoniń ocokʼletʼte amakʼ hor khoniń ocokʼ giḍilede.

2 Samuel 3:35

Bela tahenrege jemon Dạud jãhãnakʼe jom ona lạgitʼ hoṛko do uniko jormoṭkedea; menkhan Dạud do kiriạkateye menkeda, “Siń candoe hạsurokʼ lahare piṭhạ se eṭakʼ jãhãnakʼ iń jom enḍekhan Isor do sạjạiye imạńma ar ona do bạṛicʼ sạjạige.”

1 Samuel 25:22

Isor do Dạudren bạiriko khạṭige cetʼlekae sạjạiko onkage ińhõ gapa setakʼ hạbicʼ Nabalakʼ oṛakʼren mitʼṭen herel hoṛ hõ jiwetʼ do bạń dohokoa.”

1 Samuel 18:12

Sạul do Dạud botoraeye ehopʼena, ente Probhu Isor do Dạud sãoteye tahẽkana menkhan Sạul khon doe sahaṛ akan tahẽkana.

1 Samuel 14:47

Sạul do Israelkoren raj hoyen tayom disạm beṛhaeten sanam bạiriko sãote, metakʼme Moabrenko, Amonrenko, Edomrenko, Sobaren rajko ar Philisṭiko sãoteye lạṛhạilena. Ar jãhã secʼge uniye calakʼkan tahẽkan onḍege ạḍiye khutiketʼtakoa.

1 Samuel 10:7

Niạko cinhạ hoylenre am do okaṭakʼ cekae lektam onagem onkaea; Isor do am sãoteye tahena.

1 Samuel 19:3

Ar oka ṭạnḍire oko akan ben tahen onḍe do ạlińren baba sãoteliń senokʼa. Ar abenakʼ katha liń lạiyaea ar okae men onage liń baḍae ocobena.”

1 Samuel 20:12

Ona tayom Jonathan do Dạude metadea, “Israelren Probhu Isorge gohae tahenma, gapa se meyaṅ ạliń do ạlińren baba sãote kathaliń roṛa. Unre aben secʼ mońj liń bujhạu khan unrege hoṛ kolkate liń baḍae ocobena.

1 Samuel 20:14

Ar ạliń jiwetʼ liń tahen enḍekhan Probhu Isor cetʼlekae pạtiạrạnicʼ kan onkage aben hõ pạtiạrạnicʼ tahen ben. Menkhan ạliń liń gocʼlen khan ạliń bõsko lạgitʼ jaejug pạtiạrạnicʼ tahen ben; ar Probhu Isor do dhạrti khon Dạudren mitʼke mitʼ bạirikoe maraoko hạbicʼ hõ pạtiạrạnicʼ tahen ben.”

1 Rapajko 1:37

Isor do cetʼleka ińren mạlik maharaj sãoteye tahẽkan onkage Solomon tulucʼ hõe tahenma ar ińren mạlik Dạudakʼ rajosṭi khon uniyakʼ rajosṭi do arhõ ṭhonok anakʼe hoeocoytae ma!”