1 Samuel 2:8 - সান্তালী বাইবেল

⁸ Uni do dhuṛi khon nacaricʼe rakapʼedea, ar okulạnicʼ do torocʼ khone beretʼedea. Cetan hudạren hoṛko sãote uni do onkoe duṛupʼ ocokoa, ar manot reakʼ siṅghạsone emakoa; ente dhạrti reakʼ kham khunṭiko do Probhu Isorakʼge, uni do onako cetanre pirthimiye dohoakada.

1 Samuel 2:8 Referans Kwoze

Daniel 2:48

Unre raj do maraṅ hudạ ar aema sandesko Daniele emadea, ar Babel reakʼ sanam disạmkoren cakʼlaoicʼ ar Babelren sanam ạkilanko cetanre mukhiyại dohokedea.

Jakob 2:5

E ińren dulạṛiạ boehako, ańjomtińpe. Dhạrti secʼte okoeko reṅgecʼge, onkoge cetʼ Isor do biswạsre kisạ̃ṛokʼ lạgitʼ bae bachao akatʼkoa? Okoe Isorko dulạṛede kan onko do uni okaṭakʼ rajosṭi udukʼako lạgitʼe gokʼatʼko tahẽkan ona rajosṭiren bhạgiyạdarko hoyokʼ lạgitʼ cetʼ noko reṅgecʼ hoṛko bae bachao akatʼkoa?

Daniel 6:3

Daniel do acʼakʼ gun iạte eṭakʼ raj-ạkʼyurko ar disạmren cakʼlaoko khon arhõ bhage utạricʼ menteye sạbudena. Ona iạte maharaj do goṭa rajosṭi cetanre bahale reakʼe monejoṅana.

Johan sodor 1:6

Uni do aboko hotete mitʼṭecʼ rajosṭiye benao rakapʼakada ar acʼren Baba ar Isorakʼ sewa lạgitʼ naekeye hoyoco akatʼbona. Jaejug hạbicʼ Jisu Mạsiyakʼge ṭhonok hoyokʼtae ma ar jaejug hạbicʼ uniyakʼ daṛe do tahẽakae tahen ma. Amen.

Sosolhayic̕ 4:14

Uni juạn do ona rajosṭi reakʼ mitʼṭecʼ reṅgecʼ gharońjreye janamlenre hõ enhõ hajot khon oḍok tayom do raje hoylena.

1 Samuel 15:17

Sạmuele menkeda, “Mitʼ din am do amakʼ nońjorre huḍińicʼem tahẽkana, menkhan enrehõ cetʼ Israelkoakʼ sanam gusṭikoren matha do bam hoyakana? Probhu Isorge Israel disạm cetanre raj lekateye ojokʼ bahalketʼmea.

Johan sodor 22:5

Ńindạ do ar baṅ tahena ar onko do diuhe reakʼ marsal se siń cando reakʼ marsal hõ baṅ jạruṛakoa, ente Probhu Isor do acʼge onkoren marsale hoyokʼa. Ar jaejug hạbicʼ onko do rajko calaoa.

Johan sodor 5:10

Am do onko hotete mitʼṭecʼ rajosṭim benao akada ar aboren Isorakʼ sewae lạgitʼ naekekom hoyocoketʼkoa. Dhạrtire onkoge rajosṭiko calaoa.”

2 Samuel 7:8

“Ńitokʼ ińren guti Dạud metaeme, sanam daṛeanicʼ Probhu Isor do niạ kathae meneda, ‘ińren hoṛ do Israelkoren cakʼlaoyicʼ hoyokʼ lạgitʼ ińge gupi ṭạnḍi khon, bhiḍi palrenko tayom khoniń ạgu akatʼmea.

Johan sodor 3:21

“Jitạukʼkate cetʼleka iń do ińren Baba tulucʼ uniyakʼ siṅghạsonreń duṛupʼ akan, onkage okoeye jitạukʼa, uni do iń tulucʼ ińakʼ siṅghạsonre duṛupʼ reakʼ ạidạriń emaea.

Ibriko 1:3

Isorakʼ sanam gun do uni Hopontetʼrege menakʼa; ar Hopontetʼ kangeae Isorren purạ nạmuna do. Hopon do acʼakʼ ektiạranakʼ kathate jotowakʼe calaoetʼ kana. Manwakoakʼ kại reakʼ puruchun meṭaokate Hopon do coṭ utạricʼren Isorakʼ jojomsa aṛereye duṛupʼena.

Sereńko 104:5

dhạrti do acʼakʼ rehetʼ cetanrem bạisạu akada; ona do tishõ baṅ ḍikạḍakekʼa.

Sereńko 102:25

Sedae jugre am do dhạrti reakʼ rehetʼem bạisạu akada; ar serma hõ amakʼ titegem benao akada.

Sereńko 24:2

ente unige khạndri dakʼ cetanre ot reakʼ rehetʼe gathaokeda, ar ona ot ar hasa latar reakʼ dakʼ cetanreye sapʼ dohokeda.

Genesis 41:14

Unre Pharao do Joseph hoho ạguye lạgitʼ hoṛkoe kolketʼkoa, ar onko do usạra senkate kạd oṛakʼ khon uniko oḍok ạgukedea. Ar Joseph do goco hoyo saphakate kicricʼkoe bodolketʼte Pharao ṭhene hạjirena.

Jobakʼ 2:8

Unre Job do torocʼre duṛupʼkate mitʼṭecʼ kelhatʼ hataokate gạdurokʼe ehopʼena.

Genesis 41:40

Onate amge raj oṛakʼ reakʼ sanamakʼ bhar do hataome. Ar ińren sanam porja do amakʼ hukum lekageko senokʼa. Iń do eken raj lekate am cetanreń tahena.”

Daniel 4:17

“ ‘Noa hukum do hohorhokoakʼ niṭakʼ lekateakʼ kana, sonotkoakʼ kathatege noa khojgokʼ do, jemon jiwetʼko doko baḍae daṛeakʼ, Coṭ utạricʼ do manwakoakʼ rajosṭiye calaoeda mente; ar jãhãegeye kusiyaekan unige rajosṭi doe danae kana ar manwa talare sanam khon nicạṛicʼge cetanreye duṛupʼede kana.’

1 Rapajko 16:2

“E Basa, am do dhuṛi khoniń halaṅ rakapʼketʼmea ar Israelkoren mukhiyạń hoyoco akatʼmea. Menkhan am do Jerobiamakʼ hortegem taṛameda ar ińren Israel hoṛkom kại ocoyetʼkoa ar onkoakʼ kại gunạkʼte ińem bekusi ocoakadińạ.

2 Rapajko 9:6

Onate Jihu doe beretʼente oṛakʼ bhitriteye boloyena. Unre uni nạbi do Jihuwakʼ bohokʼre cukạkʼ reakʼ sunum dulketʼteye menkeda, “Israelren Probhu Isor do niạ kathae meneda, ‘Probhu Isorren hoṛko cetanre, metakʼme Israelko cetanre iń do raj menteń ojokʼ bahalketʼmea.

Jobakʼ 1:21

“Eṅgatakʼ lacʼ khon iń do uluṅgeń hecʼlena ar uluṅgeń calakʼa. Probhu Isorgeye emadiń tahẽkana ar Probhu Isorgeye idiketʼkoa; Probhu Isorakʼge sarhao hoyokʼtaema.”

Sereńko 75:3

Dhạrti ar onare tahenkan sanamkoko cabalenre, ińge ona reakʼ khunṭiko doń ṭikạu dohoya. (Sela)

Sereńko 75:7

Menkhan Isorgeye bicạra; uni do mitʼhoṛe copotʼedea ar mitʼ hoṛ doe usuledea.

Sereńko 107:41

Menkhan uni do reṅgecʼ orecʼko bhabna khone owarketʼkoa, ar bhiḍi palrenko leka onkoren hoponkoe saṅge ocoketʼkoa.

Jesaea 22:23

Mitʼṭecʼ keṭecʼ jaegare khunṭi leka uni doń bitʼkaea, uni do apatakʼ bõs lạgitʼ mitʼṭecʼ ṭhonok reakʼ siṅghạsone hoyokʼa.

Sereńko 75:4

Iń do phulạukʼkan koń metakoa, ‘alope gorbokʼa,’ ar bạṛicʼko doń metakoa, ‘dereń do alope rakabtapea.